យុវតីខ្មែរ ដែលដើររើសសំរាមរហូតបានទៅរៀននៅអូស្ត្រាលី ត្រូវសារព័ត៌មានអន្តរជាតិចាប់អារម្មណ៍

រាជធានីភ្នំពេញ៖ ថ្មីៗនេះ បណ្ដាញសារព័ត៌មានអន្តរជាតិ បានងាកមកចាប់អារម្មណ៍ និងបានចុះផ្សាយពីយុវតីកម្ពុជា ឆ្លងកាត់ប្រវត្តិដ៏លំបាកដើម្បីចិញ្ចឹមជីវិត និងក្រុមគ្រួសារ ដោយពឹងពាក់លើការដើររើសសំរាម រហូតក្លាយជានិស្សិតឆ្នើម ទទួលបានអាហារូបករណ៍ទៅសិក្សានៅសាកលវិទ្យាល័យនៅប្រទេសអូស្ត្រាលី។

សារព័ត៌មាន Nextshark កាលពីថ្ងៃទី១៧ ខែមិថុនា ឆ្នាំ២០១៩ បានចុះផ្សាយថា កញ្ញា រ៉ុន សុភី យុវតីដែលធ្លាប់ដើររើសសំរាមនៅស្ទឹងមានជ័យ ដើម្បីផ្គត់ផ្គង់ជីវភាពគ្រួសារ ត្រូវបានអង្គការ Cambodia Children’s Fund (CCF) ជួយឱ្យរូបនាងទទួលបានអាហារូបករណ៍ ទៅសិក្សានៅសាកលវិទ្យាល័យនៅទីក្រុង Melbourne ដែលបានបញ្ចប់ការសិក្សាកាលពីខែមុន។ ប្រភពបន្តថា រឿងរ៉ាវរបស់ សុភី បានទាញចំណាប់អារម្មណ៍របស់អ្នកប្រើប្រាស់បណ្ដាញទំនាក់ទំនងសង្គម ដែលបានជូបពរឱ្យគាត់ទទួលបានជោគជ័យក្នុងជីវិត នៅថ្ងៃអនាគត៕

ប្រភព៖ Next Shark

ប្រែសម្រួល៖ ចាន់ សោភ័ណ្ឌលាភ