ចង់អភិវឌ្ឍខ្លួនជាអ្នកដឹកនាំ អាចដាក់ពាក្យទៅជប៉ុន តាមរយៈកម្មវិធីនេះ

ភ្នំពេញ៖ មជ្ឈមណ្ឌលកិច្ចសហប្រតិបត្តិការកម្ពុជា-ជប៉ុន (CJCC) ប្រកាសពីការផ្ដល់អាហារូបករណ៍រយៈពេលខ្លី សម្រាប់និស្សិតកម្ពុជា ដោយវេទិកា LATSS ដើម្បីទទួលបានការបណ្ដុះបណ្ដាលនៅប្រទេសជប៉ុន ផ្នែកអភិវឌ្ឍន៍ភាពជាអ្នកដឹកនាំ។

វេទិកានេះ នឹងធ្វើឡើងចំនួនពីរលើក ចាប់ពីខែ ឧសភា ដល់ កក្កដា ឆ្នាំ២០២០ (ចំនួន ៤៤ថ្ងៃ) និង ចាប់ពីខែ កញ្ញា ដល់ ខែវិច្ឆិកា ឆ្នាំ២០២០ (ចំនួន ៤៤ថ្ងៃ)។ កាលពីបរិច្ឆេទឈប់ទទួលពាក្យ គឺថ្ងៃទី៣០ ខែមិថុនា ឆ្នាំ២០១៩។

សូមជម្រាបថា អាហារូបករណ៍នេះ នឹងផ្ដល់ជូននិស្សិតនៅក្នុងបណ្ដាប្រទេសអាស៊ី។ ដើម្បីទាញយកឯកសារសម្រាប់បំពេញពាក្យ សូមចូលទៅកាន់ Link នេះ (http://www.cjcc.edu.kh/site/index.php/en/upcoming-events/427-iatss-forum-2020-applications )៕

អត្ថបទ៖ ចាន់ សោភ័ណ្ឌលាភ