Connect with us

ថៃ៖ មនុស្សចាស់ ងាយត្រូវគេឆបោក នៅលើបណ្ដាញសង្គម

ថៃ៖ វិទ្យាស្ថានស្រាវជ្រាវអក្សរសាស្ត្រ និងវប្បធម៌អាស៊ី នៃសាកលវិទ្យាល័យ Mahidol នៅប្រទេសថៃ បានរកឃើញថា មនុស្សវ័យចំណាស់ភាគច្រើន ត្រូវបានគេឆបោក បានយ៉ាងងាយ នៅក្នុងបណ្ដាញទំនាក់ទំនងសង្គម ដោយសារពួកគាត់ ខ្វះជំនាញក្នុងការវែកញែករវាងព័ត៌មានពិត និងព័ត៌មានក្លែងក្លាយ ជាពិសេស ការមិនយកចិត្តទុកដាក់អានឱ្យចប់ រួចចុចស៊ែរ (share) ។

វិទ្យាស្ថានដដែល បានធ្វើការសិក្សាលើមនុស្សវ័យចំណាស់ជាង ២៤០នាក់ មកពីរាជធានី ខេត្ត ចំនួន ៥ រួមមាន បាងកក ផងដែរ។ ការឆបោកមានដូចជា ការផ្សព្វផ្សាយថ្នាំពេទ្យខុសច្បាប់ និងព័ត៌មានទាក់ទងនឹងសុខភាពផ្សេងៗ។ មិនតែប៉ុណ្ណោះ ពួកគាត់ ងាយនឹងត្រូវបោកប្រាសខាងនយោបាយផងដែរ។

ជាការឆ្លើយតបនឹងបញ្ហានេះ នៅកោះតៃវ៉ាន់ ក្រសួងឌីថីថល បានដាក់ចេញវិធានការប្រយុទ្ធប្រឆាំងនឹងព័ត៌មានក្លែងក្លាយ ដោយបានសហការជាមួយដៃគូនានា ដើម្បីត្រួតពិនិត្យព័ត៌មាន ជៀសវាងបង្កការភាន់ច្រឡំដល់សាធារណមតិ៕

ប្រភព៖ Khaosod

ប្រែសម្រួល៖ ចាន់ សោភ័ណ្ឌលាភ

    Loading...

    ពេញនិយម