Connect with us

កុំចេះតែហ៊ានបំពានអ្នកនាង ចន ច័ន្ទលក្ខិណា ប្រយ័ត្នគាត់មិនទុកមុខឱ្យ!

ភ្នំពេញ៖ កាលពីពេលថ្មីៗនេះ ប្រធានសមាគមសិល្បៈ និងជាតារាសម្តែងដ៏មានទេពកោសល្យអ្នកនាង ចន ច័ន្ទលក្ខិណា បានផ្ញើសារទៅកាន់អ្នកដែលតែងតែបំពានលើរូបគាត់។ អ្នកនាង ចន ច័ន្ទលក្ខិណា បានបង្ហោះសារដ៏វែងអន្លាយមួយដែលខ្លួន បានព្រមានថា ខ្លួននឹងមិនទុកមុខឱ្យអ្នកណា ដែលបានបំពានមកលើខ្លួននោះឡើយ។ សារនេះប្រហែលជាអ្នកនាង ចន ច័ន្ទលក្ខិណា បង្ហោះដោយសារតែមួយរយៈចុងក្រោយនេះ គាត់តែងតែមានការប៉ះពាល់ពាក្យសម្តីជាមួយអ្នកប្រើប្រាស់បណ្តាញសង្គម តាមរយៈការរិះគន់ ឬ បញ្ចេញមតិនានា។ ប្រធានសមាគមសិល្បៈ ក៏បានបន្តទៀតថា រូបគាត់ឈប់សម្តែងយូរហើយ ដោយគាត់មិនខ្វល់រឿងចង់បានភាពល្បីល្បាញ និងចង់បានការគាំទ្រពីមហាជនទៀតទេ ប៉ុន្តែគាត់យកជីវិតជាតារារបស់គាត់ពីមុន ដើរធ្វើការងារបម្រើសង្គម ជួយសង្គម តាមលទ្ធភាព និងតាមជំនាញរបស់គាត់។ ជាចុងក្រោយអ្នកនាង ចន ច័ន្ទលក្ខិណា ក៏បានបង្ហាញពីអារម្មណ៍ពិតថា ទោះបីគាត់ជាតារាក៏ដោយ ក៏គាត់មានបេះដូង មានសតិ មានការយល់ដឹង មានការបកស្រាយ និង មានសិទ្ធតបត នូវអ្វីដែលជាការយល់ច្រឡំ បំពាន ពីសំណាក់មហាជនដែរ៕

អត្ថបទ៖ ណារ៉ូត

    Loading...

    ពេញនិយម