Connect with us

សិស្សនៅហុងកុង បាតុកម្មបណ្ដើរ រំឭកមេរៀនបណ្ដើរ

ហុងកុង៖ មហាបាតុកម្មនៅទីក្រុងហុងកុង បានរំសាយ បន្ទាប់ពីមនុស្សជិត២លាននាក់ ត្រូវបានប៉ាន់ស្មានថា បានចូលរួម ពាក់ព័ន្ធនឹងការតវ៉ាច្បាប់បត្យាប័នថ្មី។ ទន្ទឹមនេះ គេមានការចាប់អារម្មណ៍លើសិស្សមួយក្រុម ដែលបានយកសៀវភៅដាក់តាមខ្លួន ទុកសម្រាប់រំឭកមេរៀន ស្របពេលដែលធ្វើការតវ៉ា។

តាមការពិត ក្រុមសិស្សទាំងនោះ បានរំឭកមេរៀន ត្រៀមប្រឡង Final ។ នេះមិនមែនជាលើកទីមួយទេ ដែលសិស្សានុសិស្សហុងកុង ចូលរួមតវ៉ាដើម្បីទាមទារសិទ្ធិសេរីភាពរបស់ពួកគេ។ កាលពីឆ្នាំ២០១៤ ក្រុមសិស្សដែលចូលរួមការតវ៉ាមួយនៅហុងកុង បានបង្កើតការចាប់អារម្មណ៍ បន្ទាប់ពីពួកគេ រៀបចំកន្លែងសម្រាប់អង្គុយរៀន នៅទីតាំងធ្វើបាតុកម្មតែម្ដង។

សម្រាប់ឆ្នាំ២០១៩នេះ ក្រុមអ្នកតវ៉ាហុងកុង ក៏បានចូលរួមសកម្មភាពប្រមូលសំរាម ដែលបន្សល់ទុកក្រោយមហាបាតុកម្ម ដើម្បីរួមចំណែកការពារបរិស្ថានផងដែរ៕

ប្រភព៖ Next Shark

ប្រែសម្រួល៖ ចាន់ សោភ័ណ្ឌលាភ

    Loading...

    ពេញនិយម