១ថ្ងៃ កុមារជិត ៦០០នាក់ ចូលពេទ្យដោយសារជំងឺគ្រុនឈាមធ្ងន់ធ្ងរ

ភ្នំពេញ៖ មន្ទីរពេទ្យគន្ធបុប្ផាទាំង ៥ទីតាំង ដែលព្យាបាលកុមារឥតគិតថ្លៃ បានទទួលកុមារមានជំងឺគ្រុនឈាមធ្ងន់ធ្ងរប្រមាណ ៥៧៧នាក់ ដោយគិតត្រឹមតែរយៈពេល១ថ្ងៃប៉ុណ្ណោះ។ តួលេខនេះ គឺនៅថ្ងៃទី១៧ ខែមិថុនា ឆ្នាំ២០១៩ ចំពោះកុមារដែលត្រូវបានបញ្ចូនទៅព្យាបាលនៅមន្ទីរពេទ្យគន្ធបុប្ផាទាំង៥ទីតាំង។

ក្រសួងសុខាភិបាលបានអំពាវនាវដល់ប្រជាពលរដ្ឋ ឱ្យប្រុងប្រយ័ត្នខ្ពស់ ពីការផ្ទុះនៃជំងឺគ្រុនឈាម បន្ទាប់ពីគេសង្កតឃើញ មានការកើតឡើងជំងឺនេះខ្ពស់ នៅតាមមន្ទីរពេទ្យនានា។ ជាមួយគ្នានេះ មូលនិធិគន្ធបុប្ផាកម្ពុជា ក៏បានអំពាវនាវឱ្យអាណាព្យាបាលកុមារទាំងអស់ មេត្តាប្រុងប្រយ័ត្ន និងចូលរួមទប់ស្កាត់ជំងឺគ្រុនឈាម តាមរយៈការការពារកុមារកុំឱ្យមូសខ្លាខាំផងដែរ៕

អត្ថបទ៖ ចាន់ សោភ័ណ្ឌលាភ