Donnie Yen នឹងសម្ដែងក្នុង “Shang-Chi” របស់ផលិតកម្ម Marvel

៣ ឆ្នាំមុន

ខែមិថុនា ២១, ២០១៩ កម្សាន្ត

បរទេស៖ ផលិតកម្ម Marvel កំពុងចរចាជាមួយ Donnie Yen និងតារាសម្ដែង Ludi Lin ដើម្បីចូលរួមក្នុងភាពយន្តបែប Superhero ថ្មី ដែលមានចំណងជើងថា “Shang-Chi” ។ ក្នុងនោះ Ludi Lin អាចនឹងដើរតួជា តួឯក ដោយសារតារារូបនេះ ចេះក្បាច់គុន និងធ្លាប់សម្ដែងក្នុងភាពយន្តរបស់ផលិតកម្ម DC “Aquaman” និងរឿង “Power Rangers” កាលពីឆ្នាំ២០១៧។

ចំពោះ Donnie Yen ដែលជាតួឯកក្នុងភាពយន្តដ៏ល្បីល្បាញ “Ip Man” ត្រូវបាយរាយការណ៍ថា នឹងសម្ដែងជាតួអង្គម្នាក់ ក្នុងរឿង “Shang-Chi” របស់ Marvel តែមិនទាន់មានការបញ្ជាក់នោះទេ។ ផលិតកម្មដដែល ក៏មិនទាន់បញ្ជាក់ពីកាលបរិច្ឆេទ នៃការដាក់បញ្ចាំងរឿង “Shang-Chi” ផងដែរ ក៏ប៉ុន្តែ សេចក្ដីរាយការណ៍មួយចំនួន បានអះអាងថា រឿងនេះ អាចចាក់បញ្ចាំងនៅថ្ងៃទី១២ ខែកុម្ភៈ ឆ្នាំ២០២១។ “Shang-Chi” នឹងដឹកនាំដោយលោក Destin Daniel Cretton ៕