ថ្នាក់ដឹកនាំ Juventus ថា ក្លិបនៅតែពេញចិត្ត Pogba និង Rabiot តែសួរលោក Sarri សិន

២ ឆ្នាំមុន

ខែមិថុនា ២១, ២០១៩ កីឡា

អ៊ីតាលី៖ Juventus នៅតែពេញចិត្ត Paul Pogba ហើយក៏ចង់បាន Adrien Rabiot ផងដែរ។ នេះសម្ដីរបស់ប្រធានផ្នែកកីឡា Juventus លោក Fabio Paratici។ Pogba ត្រូវបានទាក់ទងដើម្បីនាំមកអតីតក្លិបរបស់គេវិញ បើទោះបីជាមានការទាក់ទងពី Real Madrid ក៏ដោយ។ ខណៈនេះផងដែរ Rabiot មិនមានកិច្ចសន្យានៅ PSG ឡើយ ហើយកីឡាកររូបនេះ កំពុងសម្លឹងរកមើលក្លិបដែលអាចលេងក្នុង UCL និងបង្ហាញខ្លួនបានទៀងទាត់។

លោក Paratici បាននិយាយកោតសរសើរកីឡាករទាំងពីររូប ដោយបញ្ជាក់ថា ក្រុមសេះបង្កង់ បានបើកការចរចាជាមួយ Rabiot រួចទៅហើយ។ ប្រធានផ្នែកកីឡារូបនេះ បានប្រាប់សន្និសីទសារព័ត៌មានបានបង្ហាញ Sarri ជាគ្រូបង្វឹកថ្មី Juventus ថា ពួកគេ គឺជាកីឡាករដ៏អស្ចារ្យ។ លោកបានបន្ថែមថា៖ “ពេលនេះ Pogba គឺជាកីឡាកររបស់ ManUtd យើងនៅតែស្រឡាញ់គាត់។ យើង ក៏កំពុងព្យាយាមចរចាជាមួយ Rabiot ហើយក្លិប បានពិភាក្សាគ្នាជាមួយ Sarri ម៉្យាងយើងនឹងធ្វើការសម្រេចចិត្តក្នុងពេលឆាប់ៗនេះ”៕