Connect with us

Arsenal នឹងតតាំងជាមួយ Spurs ដើម្បីនាំយកខ្សែការពាររបស់ក្លិប Saint-Etienne

អង់គ្លេស៖ Arsenal ត្រូវបានរាយការណ៍ថា នឹងត្រូវតតាំងជាមួយ Tottenham Hotspurs ក្នុងការយកចិត្តថ្លើមក្លិប Saint-Etienne ដើម្បីនាំយកខ្សែការពារ William Saliba ក្នុងតម្លៃ ៣០លានអឺរ៉ូ។

សារព័ត៌មាន L ‘Equipe បានចុះផ្សាយថា ក្រុមរបស់លោក Unai Emery នៅមើលឃើញកីឡាករវ័យ ១៨ឆ្នាំនៅរដូវក្តៅនេះ ក្រោយពីបានព្រមព្រៀងបណ្តោះអាសន្នជាមួយក្លិបនៅបារាំង កាលពីសប្តាហ៍មុន។ ហើយក្រុមកាំភ្លើងធំ នឹងបើកកិច្ចចរចាជាមួយ Saint-Etienne ដែលកំពុងទាមទារប្រាក់ ៣០លានអឺរ៉ូ ហើយឱ្យកីឡាកររូបនេះ ខ្ចីជើងលេងនៅបារាំង នារដូវកាលក្រោយ។

ក្រុម Spurs ក៏កំពុងតាមប្រមាញ់កីឡាករវ័យ ១៨ឆ្នាំនេះផងដែរ។ បើតាមរបាយការណ៍បានឱ្យដឹងថា ក្លិបនៅភាគខាងជើងទីក្រុងឡុងដ៍ នឹងចាប់ផ្តើមពិភាក្សាជាមួយកីឡាករជាមុន មុននឹងចរចាជាមួយក្លិប ព្រោះគូប្រជែងមួយនេះដឹងថា ថវិកាផ្ទេររបស់ក្រុមកាំភ្លើងធំមានកម្រិត។ខ្សែការពារកណ្តាលដែលត្រូវបានវាយតម្លៃខ្ពស់រូបនេះ បានរីករាយជាមួយនឹងយុទ្ធនាការដ៏សំខាន់នៅក្នុងក្របខ័ណ្ឌ Ligue 1 ដែលបានក្លាយជាផ្នែកមួយរបស់ក្រុមជម្រើសជាតិបារាំង ក្រោមអាយុ២០ នៅក្នុងព្រឹត្តិការណ៍ World Cup ឆ្នាំកាលពីដើមខែនេះ៕

ប្រភព៖ TrollKhmer

    Loading...

    ពេញនិយម