ទោះជាតារាចម្រៀងក៏ដោយ ក៏ ខេម បានត្រឹមតែជូតទឹកភ្នែកសង្សារគេ

ភ្នំពេញ៖ កំពូលតារាចម្រៀងប្រចាំផលិតកម្ម “ថោន” បានធ្វើឱ្យទស្សនិកជនមួយចំនួនចេះតែនិយាយតៗគ្នាថា លោក ខេម ដូចជាមិនសូវចេញបទចម្រៀងថ្មីសោះ ជាពិសេសបទញាក់។ មួយរយៈនេះ លោក ខេម ហាក់បីដូចជាស្ងាត់ជាងរាល់ដង ហើយអាល់ប៊ុមបទចម្រៀងថ្មីៗ ដូចជាមិនសូវចេញនោះឡើយ។

ក្រោយពេលដែលបាត់មួយរយៈ លោក ខេម បែរជាសម្ងំជូតទឹកភ្នែកសង្សារគេទៅវិញ ឬក៏លួចស្រឡាញ់សង្សារគេទេដឹង តែនេះមិនជាការពិតនោះឡើយគឺ លោក ខេម បានចេញបទចម្រៀងថ្មី “សុំជូតទឹកភ្នែក” ដែលពិតជាទាក់ទាញអារម្មណ៍ទស្សនិកជនខ្លាំងមែន នៅបទចម្រៀងមួយបទនេះ។ បទនេះ ធ្វើឱ្យទស្សនិកជនជាច្រើនយល់ច្រឡំ តាមពិត វាជាអត្ថន័យបទចម្រៀងសោះ ស្មានតែ លោក ខេម លួចស្រឡាញ់សង្សារគេ៕

អត្ថបទ៖ ឡុង រតនា