ប្រុសៗ ដែលយប់ឡើង ចូលគេងយឺត ប្រយ័ត្នងាប់មេជីវិត អត់កូន

៩ ខែមុន

ខែមិថុនា ២៧, ២០១៩ សម្រស់ជីវិត

រាល់ថ្ងៃនេះ ប្រុសៗគ្នាយើង ប្រហែលមិនងាយចូលដេកទេ ព្រោះអ្នកខ្លះ នៅបង្ហើយការងារដែលនៅសល់ ខ្លះទៀតនៅលេងឆាត ឬនិយាយទូរសព្ទជាមួយសង្សារ ឬក៏មានបញ្ហាស្មុគស្មាញ គេងមិនលក់។ តែការចូលគេងយប់ជ្រៅ មិនល្អនោះទេ ព្រោះអាចធ្វើឱ្យប្រុសៗ ងាប់មេជីវិតឈ្មោល ពិបាក ឬគ្មានកូនតែម្ដង។

លោកសាស្ត្រាចារ្យ Hans Jakob Ingerslev អ្នកស្រាវជ្រាវ មកពីសាកលវិទ្យាល័យ Aarhus របស់ដាណឺម៉ាក បានបញ្ជាក់ថា មូលហេតុដោយសារប្រុសៗគេងមិនគ្រប់គ្រាន់ មានបញ្ហាស្មុគស្មាញ កើនឡើង និងអាចប៉ះពាល់ដល់មេជីវិត។ ការសិក្សា ក៏បានលើកឡើងថា ប្រុសៗ ដែលចង់មានកូន គួរឆាប់ចូលគេង មុនម៉ោង ១០:៣០នាទីយប់។

ការសិក្សា រកឃើញថា ប្រុសៗចូលគេងមុនម៉ោង ១០:៣០នាទីយប់ ទំនងមានមេជីវិតឈ្មោល ២,៧៥ ដង ល្អជាងអ្នកចូលគេងនៅម៉ោង ១១:០០នាទីយប់។ ប្រុសៗ គេង ពី ៧ម៉ោងកន្លះ-៨ម៉ោង មានមេជីវិតឈ្មោលល្អ ជួយបង្កើនសមត្ថភាពមានកូនតាមធម្មជាតិបាន។

ការសិក្សានេះ ត្រូវបង្ហាញនៅសន្និសីទប្រចាំឆ្នាំ របស់ European Society of Human Reproduction and Embryology (ESHRE) នៅទីក្រុងវ្យ៉ែន ប្រទេសអូទ្រីស។ អ្នកចូលរួមក្នុងការសិក្សា ជាមធ្យម មានអាយុ ៣៤ឆ្នាំ។

ចំណែកវេជ្ជបណ្ឌិត Christopher Barratt សាស្ត្រាចារ្យនៅសាកលវិទ្យាល័យ Dundee របស់ស្កុតឡែន បានលើកឡើងថា ប្រសិនបើប្រុសៗ គេងមិនគ្រប់គ្រាន់ទេ វានឹងប៉ះពាល់លើមេតាប៉ូលិស ហើយមានផលប៉ះពាល់លើគុណភាពមេជីវិត៕