Connect with us

ស្ងាត់ៗ វណ្ឌី ពិសិទ្ធ តួអង្គរឿងគ្រាប់ពេជ្រ លួចទៅថតរឿងនៅឥណ្ឌា

ភ្នំពេញ៖ លើកនេះលេងមែនទែនធ្វើឱ្យ លោក វណ្ឌី ពិសិទ្ធ ហួសចិត្តស្មានតែរូបខ្លួនជាតួសម្តែងឥណ្ឌា ពិតជាគួរឱ្យចង់សើចព្រោះមុខមាត់ដូចគ្នាខ្លាំងណាស់ ហើយក៏មានអ្នកយល់ច្រឡំជាច្រើនផងដែរ។ សព្វថ្ងៃនេះ លោក វណ្ឌី ពិសិទ្ធ មានតួនាទីជាជំនួយការអ្នកដឹកនាំការផលិត និងក៏ជាពិធីករផងដែរនោះ បានធ្វើការផុសរូបមួយសន្លឹកដែលមានមុខមាត់ស្រដៀងគ្នានឹងលោក ហើយលោកបាននិយាយថា “ខ្ញុំសូមបញ្ជាក់ថានេះមិនមែនជារូបខ្ញុំ ហើយខ្ញុំក៏មិនធ្លាប់បានសម្តែងក្នុងរឿង Aladdin ដែរ!”។ រូបថតមួយនេះបានធ្វើឱ្យមិត្តសិល្បករ នាំគ្នាយល់ច្រឡំ ស្មានតែរូបលោក វណ្ឌី ពិសិទ្ធ ហើយក៏បានបញ្ចេញមតិទៅរូបថតដោយសរសេរថា “១០០% ច្បាស់ណាស់ថាមិនមែនជាបង ព្រោះគេមានរោមដៃ ឯបងឯងអត់មានទេ” ។ ទោះជាយ៉ាងណា លោក វណ្ឌី ពិសិទ្ធ បានបញ្ជាក់ហើយថានេះមិនមែនជារូបរបស់គាត់នោះទេ៕

អត្ថបទ៖ ឡុង រតនា

    Loading...

    ពេញនិយម