Connect with us

អ្នកបរិស្ថានយកសម្រាមចំនួន៤០តោនចេញពីក្នុងមហាសមុទ្រប៉ាស៊ីហ្វិក

បញ្ហាបរិស្ថានដោយសារការប្រើប្រាស់ថង់ប្លាស្ទីកបានចោទជាបញ្ហាជាខ្លាំងនៅជុំវិញពិភពលោក ដូចនេះក្រុមអ្នកបរិស្ថានដែលមកពីវិទ្យាស្ថាន Ocean Voyages បានបង្កើតចលនាសម្អាតសម្រាមដែលមាននៅក្នុងមហាសមុទ្រប៉ាស៊ីហ្វិក។ សម្រាមទាំងនោះដែលមានដូចជាដបសាប៊ូ ប្លាស្ទីក របស់ក្មេងលេង និង ឧបករណ៍នេសាទដែលគេបានហៅថា “ghost nets” ដែលមួយមានទំងន់៥តោន និង មួយទៀតមានទម្ងន់៨តោន ក៏ត្រូវប្រមូលបាន ហើយវាគឺជាផ្នែកមួយសំខាន់បំផុតដែលត្រូវយកចេញដោយសារតែជាវត្ថុដែលអាចសម្លាប់សត្វមានជីវិតនៅក្នុងមហាសមុទ្រប៉ាស៊ីហ្វិកបាន។

ប្លាស្ទីកចំនួន១.៥តោន ត្រូវបានប្រគល់ឱ្យមហាវិទ្យាល័យ ហាវៃ ខាងផ្នែកសិល្បៈ ដូចនេះពួកគេអាចច្នៃសម្រាមទាំងនោះឱ្យក្លាយជារបស់ដែលមានប្រយោជន៍ សម្រាមចំនួន៤០តោនដែលមានទម្ងន់ប្រហែលរថយន្ត២៤គ្រឿង និង ត្រូវប្រើរយៈពេលក្នុងការសម្អាតប្រមាណជា១ខែ ត្រូវបានប៉ាន់ស្មានថាកាកសំណល់ដែលបានហូរចូលទៅក្នុងមហាសមុទ្រប៉ាស៊ីហ្វិកក្នុងមួយឆ្នាំមានចន្លោះពី ១.១៥ ទៅ ២.៤១ តោន។ ជាក់ស្តែងការចាត់វិធានការប្រមូលសម្រាមទាំងនេះគឺបានជួយដល់សត្វដែលរស់នៅក្នុងមហាសមុទ្រប៉ាស៊ីហ្វិកជាខ្លាំង៕

ប្រែសម្រួល៖ គង់ ចាន់ស្រីនុច

    Loading...

    ពេញនិយម