ខ្សែបម្រើ Keisuke Honda ចុះកុងត្រាជាមួយក្លិបអូស្ត្រាលី Melbourne Victory

ខ្សែបម្រើ Keisuke Honda បាននិយាយកាលពីថ្ងៃពុធថា រូបគេមានភាពរីករាយ ជាមួយនឹងឱកាសទៅលេងអោយក្លិបថ្មី នៅអូស្ត្រាលី Melbourne Victory ក្រោយពីបានក្លាយជាគ្រូបង្វឹកនៃក្រុមជម្រើសជាតិកម្ពុជា។

ជាការពិតមិនដល់១សប្តាហ៍ផង ដែលកីឡាករជនជាតិជប៉ុនបានប្រកាសពីកុងត្រាជាមួយក្លិប ជើងឯកលីគកំពូលអូស្ត្រាលី, រូបគេបានបង្ហាញភាពភ្ញាក់ផ្អើល ដ្បិតបានក្លាយជា គ្រូបង្វឹក និង អ្នកចាត់ការទូទៅក្រុមបាល់ទាត់ជម្រើសជាតិកម្ពុជា កាលពីថ្ងៃអាទិត្យកន្លងទៅ។
Honda បានចុះកុងត្រា១ឆ្នាំជាមួយក្លិប Melbourne Victory ហើយត្រូវរាយការណ៍ថា កុងត្រានេះមានតម្លៃដល់ទៅ ២.០៩លានដុល្លារឯណោះ។
កីឡាករវ័យ៣២ឆ្នាំ បានបង្ហាញចំណាប់អារម្មណ៍ ក្នុងពេលបង្ហាញខ្លួនជាមួយក្លិបថ្មីថា រូបគេពិតជាចង់មានភាពជោគជ័យជាមួយក្លិបថ្មី ហើយគេមានមហិច្ឆិតា ថា នឹងធ្វើវាអោយបានសម្រេច៕