បុរសសង្ហា Kim Soo Hyun ចេញពីហាត់ទាហានវិញហើយ!

កូរ៉េខាងត្បូង៖ តារាសម្តែងដ៏សង្ហារបស់ប្រទេសកូរ៉េខាងត្បូងលោក Kim Soo Hyun បានបាត់មុខមួយរយះពីវិស័យសិល្បៈ ដោយសារតែលោកត្រូវបានជាប់ភារកិច្ចទៅហាត់ទាហាន។

បន្ទាប់ពីបានបំពេញភារកិច្ចរបស់គាត់រួចរាល់មក កាលពីម្សិលមិញលោក Kim Soo Hyun បានចេញពីហាត់ទាហានវិញ ដោយត្រូវបានក្រុមអ្នកគាំទ្រ និងអ្នកសារព័ត៌មានមកទទួលគាត់យ៉ាងព្រោងព្រាត។ លោក Kim Soo Hyun បានអរគុណទៅដល់ក្រុមអ្នកគាំទ្ររបស់គាត់ ដែលបានមកទទួលគាត់ និងបានរង់ចាំគាត់រហូតមក។ គាត់ក៏បានប្រាប់ទៅកាន់អ្នកសារព័ត៌មានថា បន្ទាប់បានបញ្ចប់ភារកិច្ចរបស់គាត់ក្នុងការហាត់ទាហានមក លោកចង់ផ្តោតទៅលើការសម្តែងរបស់គាត់ ដែលលោកនឹងសម្តែងនៅក្នុងរឿងថ្មីជាច្រើន៕

អត្ថបទ៖ ណារ៉ូត