Connect with us

Cafu ថា Messi ល្អជាង Ronaldo ឆ្ងាយណាស់

តែឆ្នាំនេះ Messi នៅតែមិនអាចជួយឱ្យអាហ្សង់ទីន លើកពាន Copa បានដដែល

ប្រេស៊ីល៖ វីរបុរសរបស់ក្រុមជម្រើសជាតិប្រេស៊ីល Cafu បានប្រាប់សារព័ត៌មានកីឡាមួយថា Lionel Messi ល្អជាង Cristiano Ronaldo ហើយកីឡាករអាហ្សង់ទីនរូបនេះ ជាកីឡាករឆ្នើមបំផុត ដែលគាត់ធ្លាប់ស្គាល់។

“បច្ចុប្បន្ន វាជារឿងពិបាកបំផុតក្នុងការការពារចង្វាក់លេងរបស់ Messi ។ សម្រាប់ខ្ញុំ Messi គឺជាកីឡាករដ៏អស្ចារ្យម្នាក់ ក្នុងពេលនេះ។ អ្នកមួយចំនួន ថា Cristiano Ronaldo ។ ខ្ញុំថា តាមបចេ្ចកទេសលេង Messi ល្អជាង Ronaldo” ។ នេះជាសម្ដីរបស់ Cafu ។

ការលើកឡើងរបស់ Cafu មុនពេលដែលក្រុមជម្រើសជាតិប្រេស៊ីល បានយកឈ្នះលើក្រុមអាហ្សង់ទីន ដោយលទ្ធផល ២-០ នៅវគ្គពាក់កណ្ដាលផ្តាច់ព្រ័ត្រ ពានរង្វាន់ Copa America នៅព្រឹកថ្ងៃទី៣ ខែកក្កដា ឆ្នាំ២០១៩នេះ។ Messi នៅតែមិនអាចជួយឱ្យអាហ្សង់ទីន លើកពានរង្វាន់ណាមួយឡើយ ខណៈកាលពីឆ្នាំ២០១៦ Messi មិនអាចជួយអាហ្សង់ទីន លើកពាន Copa America បានទេ បន្ទាប់ពីចាញ់ ស៊ីលី នៅវគ្គផ្តាច់ព្រ័ត្រ ដោយការទាត់បាល់១១ម៉ែត្រ៕

ប្រភព៖ BeinSports

ប្រែសម្រួល៖ ចាន់ សោភ័ណ្ឌលាភ

    Loading...

    ពេញនិយម