Connect with us

អប្សរាមុខ៣ ច្នៃលើរូបតុក្កតាតែមួយ

អប្សរាមុខ៣ ច្នៃលើរូបតុក្កតាតែមួយ

ភ្នំពេញ៖ ក្នុងនាមជានិស្សិតឆ្នាំទី៣ នៃសកលវិទ្យាល័យភូមិនុ្ទវិចិត្រសិល្បៈឯកទេសគំនូរសាគមនាគមន៍ សៀង ឆាយលី ដែលមានសមត្ថភាពពោរពេញទៅដោយទេសពកោសល្យពេញខ្លួនបានច្នៃអប្សរា ល្ខោនហ្លួងស៊ីសុវត្ថិ និងក្រុងរាពណ៌លើតុក្កតាតែមួយ។

មូលហេតុដែលជំរុញឱ្យនិស្សិតមួយរូបនេះច្នៃរូបភាពនេះឡើងដោយសារចង់ផ្សព្វផ្សាយទំរង់សិល្បៈល្បីៗតាមសម័យកាលបញ្ចូលគ្នាតែមួយក៏ដូចជាចង់ផ្សព្វផ្សាយសិល្បៈខ្មែរផងដែរ។ ឆាយលីបានផ្តល់បទសម្ភាសដល់ mytvplus ថា មុខទាំងបី និង ម្កុដដែលបានច្នៃឡើងនេះគឺធ្វើឡើងពីដីឥដ្ឋ និង កាវទៀន ចំណែកឯពណ៌វិញគឺប្រើពណ៌ទឹក ពណ៌ឈើ និង ម្សៅផាត់។

រីឯគ្រឿងអលង្ការដែលបំពាក់នៅលើរូបក៏និស្សិតមួយរូបនេះដកស្រង់ចេញពីអប្សរាដែលមានបង្ហាញនៅលើប្រាង្គប្រាសាទផងដែរ អ្វីដែលពិសេសជាងនេះទៅទៀតស្នាដៃមួយនេះគឺធ្វើឡើងដោយដៃផ្ទាល់ មិនថាសម្លៀកបំពាក់ គ្រឿងអលង្ការ ស្បែកជើង និង មុខនោះទេ។

គួរបញ្ជាក់ថា ចំនុចខ្លះគឺមានភាពលំបាក និង មិនអាចលម្អិតដោយសារតែទំហំតូចពេកទើបមិនអាចលេចចេញជារូបរាងដែលឆៃលីចង់បានទាំងស្រុងនោះទេ ម៉្យាងទៀតការច្នៃប្រឌិតបូករួមនឹងបានសិក្សាស្រាវជ្រាវដកស្រង់ចេញពីសៀវភៅបារាំងមួយទើបអាចឱ្យនិស្សិតឆ្នាំទី៣មួយរូបនេះបង្កើតសមិទ្ធផលនេះបាន៕

 

អត្ថបទ៖ គង់ ចាន់ស្រីនុច

    Loading...

    ពេញនិយម