Spurs បំបែកកំណត់ត្រាក្លិបនាំយកខ្សែបម្រើអន្តរជាតិបារាំងម្នាក់ពី Lyon

អង់គ្លេស៖ ក្រុម Tottenham Hotspurs បានចុះហត្ថលេខាខ្សែបម្រើអន្តរជាតិបារាំង Tanguy Ndombele ពីក្លិប Lyon ក្នុងក្របខ័ណ្ឌ Ligue 1 ដែលមានតម្លៃខ្លួន ៦០លានអឺរ៉ូ។

កីឡាករវ័យ ២២ឆ្នាំរូបនេះបានចុះហត្ថលេខាលើកិច្ចព្រមព្រៀងមួយរហូតដល់ឆ្នាំ២០២៥ ហើយតម្លៃនេះ អាចកើនដល់ ៧០លានអឺរ៉ូជាមួយនឹងទឹកប្រាក់បន្ថែម។ កំណត់ត្រាផ្ទេរមុនរបស់ក្រុមមាន់ខ្នាយមាសគឺ ៤២លានផោនដែលត្រូវបានចំណាយលើខ្សែការពារ Davinson Sanchez ពីក្រុម Ajax កាលពីខែសីហា ឆ្នាំ២០១៧ ។

Ndombele ដែលចូលរួមជាមួយ Lyon កាលពីឆ្នាំ២០១៧ និងជួយពួកគេបញ្ចប់ក្នុងចំណាត់ថ្នាក់ទី៣ ក្នុងក្របខ័ណ្ឌកំពូលរបស់បារាំងកាលពីរដូវកាលមុន គឺជាកីឡាករចំណូលថ្មីទី២ របស់ Spurs នៅរដូវក្តៅនេះ ក្រោយពីការមកដល់របស់ Jack Clarke ពីក្លិប Leeds United ៕

ប្រភព៖ Trollkhmer