មិនគួរឱ្យជឿមែន! ព្រលានយន្តហោះខេត្តព្រះសីហនុមួយតភ្ជាប់ទៅគោលដៅក្រៅស្រុកជាង២៩

ព្រះសីហនុ៖ កាលពីពេលថ្មីៗនេះ ព្រលានយន្តហោះអន្តរជាតិខេត្តព្រះសីហនុ បានទទួលជើងហោះហើរត្រង់ថ្មីមួយទៀតពីប្រទេសថៃ ដែលចាកចេញពីព្រលានយន្តហោះ ដនមឿង ជាលើកដំបូង។

បើតាមវេបសាយ Cambodia Airports បានឱ្យដឹងថា ខេត្តព្រះសីហនុ បានតភ្ជាប់ជើងហោះហើរជាមួយគោលដៅសរុបចំនួន ៣១ ក្នុងនោះ គោលដៅក្នុងស្រុកចំនួន ២ រាជធានីភ្នំពេញ និង ខេត្តសៀមរាប។ ចំណែក គោលដៅក្រៅស្រុក ២៩ ទៀត មាននៅក្នុង ៤ប្រទេស រួមមាន ចិន ២៦គោលដៅ, ម៉ាឡេស៊ី ១គោលដៅ, ថៃ ១គោលដៅ និងវៀតណាម ១គោលដៅ។

ប្រធានមន្ទីរខេត្តព្រះសីហនុ បានឱ្យដឹងថា បច្ចុប្បន្ន ខេត្តព្រះសីហនុ មានក្រុមហ៊ុនអាកាសចរណ៍ចំនួន ១៥ ដែលមានជើងហោះហើរជាមធ្យម ៣៦ជើង ក្នុងមួយថ្ងៃ។ ក្នុងនោះ ក្រុមហ៊ុនក្នុងស្រុកចំនួន ៥ ដែលមានជើងហោះហើរជាមធ្យម ៤ជើង ក្នុងមួយថ្ងៃ។ ចំណែក ក្រុមហ៊ុនអន្តរជាតិមានចំនួន ៩ ដែលមានជើងហោះហើរជាមធ្យម ៣២ជើង ក្នុងមួយថ្ងៃ៕

អត្ថបទ៖ ចាន់ សោភ័ណ្ឌលាភ