Connect with us

អ្នកនាង ខាត់ សុឃីម ចង់អោយមហាជនគាំទ្រសិល្បៈបុរាណ ច្រើនជាងសិល្បៈសម័យ

ថ្មីៗនេះអ្នកនាង ខាត់ សុឃីម តារាចម្រៀងសិល្បៈបុរាណ បានចេញមុខអំពាវនាវអោយមហាជន នឹង ទស្សនិកជនដែលស្រឡាញ់វិស័យសិល្បៈ សូមជួយគាំទ្រសិល្បៈបុរាណអោយបានច្រើន ព្រោះនេះជាកេរ្តិ៍មរតកដូនតាខ្មែរពីបុរាណមក ។

បើស្តាប់តាមតាមការបកស្រាយរបស់អ្នកនាង ខាត់ សុឃីម បានអោយដឹងថា យើងជាកូនខ្មែរដូចគ្នា អញ្ចឹងហើយបានអ្នកនាង ស្នើរសុំអោយបងប្អូនខ្មែរយើង ជួយគាំទ្រវិស័យសិល្បៈបុរាណអោយបានច្រើន ដោយសារអ្នកនាងឃើញសិល្បៈជិតខាងប្រទេសយើង គេកំពុងចម្លងយកស្នាដៃរបស់ខ្មែរយើងថាជារបស់គេ ព្រោះអ្នកនាងស្តាយទើបបានជាអ្នកនាងស្នើរសុំជួយគាំទ្រសិល្បៈបុរាណខ្មែរអោយបានច្រើន អ្នកនាងបន្តទៀតថាយើងនៅមានបទចំរៀងបុរាណជាច្រើន ដូចជា: ភ្លេងការ យីកេរ្តិ៍ អាយ៉ៃ និង​បទចម្រៀងបុរាណជាច្រើនទៀត ។

អ្នកនាង ខាត់ សុឃីម មិនចោលទេនូវ​សិល្បៈបុរាណ ព្រោះតាំងពីតូចមកអ្នកនាង​មានឈាមជាអ្នកសិល្បៈបុរាណ។ អ្នកនាងសុំអោយមានការគាំទ្រក៏ដោយ ឬមិនមានការទ្រពីសំណាក់ទស្សនិកជន ក៏អ្នកនាងមិនមានសិទ្ធិហាមឃាត់គាត់នោះ ព្រោះនេះជាការស្រឡាញ់បែបខុសគ្នា ។ ជាចុងក្រោយអ្នកនាង ខាត់ សុឃីម ក៏សូមថ្លែងអំណរគុណចំពោះបងប្អូនទស្សនិកជនដែលស្រឡាញ់ នឹងគាំទ្រអ្នកនាង ហើយអ្នកសង្ឃឹមថាទស្សនិកជននៅតែបន្តគាំទ្រអ្នកនាង ក៏ដូចជាជួយគាំទ្រសិល្បៈបុរាណ នឹងដើម្បីលើកស្ទួយវិស័យសិល្បៈបុរាណខ្មែរយើងអោយពិភពលោកឃើញថាខ្មែរជាម្ចាស់បទចំរៀងបុរាណពិតប្រាកដមែន ៕
អត្ថបទ: ឡុង រតនា

  

  • អត្ថបទទាក់ទង :
  • Featured
Loading...

ពេញនិយម