Influencer ម្នាក់ត្រូវមិត្តប្រុសសម្លាប់ហើយថតសាកសពបង្ហោះនៅលើបណ្តាញសង្គម

សម្លាប់គ្នាហើយ ឆ្លៀតថតបង្ហោះទៀត

២ ឆ្នាំមុន

ខែកក្កដា ១៦, ២០១៩ សង្គម

ញ៉ូវយក៖ សិស្សស្រីម្នាក់ដែលទើបតែបញ្ចប់ថ្នាក់បាក់ឌុបឈ្មោះ Bianca Devins និង ជា Influencer នៅលើបណ្តាញ Instagram វ័យក្មេងអាយុ១៧ឆ្នាំ ដែលមានអ្នក Follow ចំនួន៣៥០០០នាក់ត្រូវបានមិត្តប្រុសខ្លួនឈ្មោះ Brandon Clark អាយុ២១ឆ្នាំ សម្លាប់កាលពីព្រឹកថ្ងៃអាទិត្យ។

ប៉ូលិសបានអះអាងថាជនដៃដល់បានចែករំលែករូបភាពនៃសាកសពរបស់នាងនៅ4chan និង បានសរសេរពាក្យថា “ខ្ញុំសុំទោស Bianca” ដោយមានកាន់កាំបិតនៅក្នុងដៃផងដែរ នៅពេលឃើញប៉ូលីសទៅដល់កន្លែងកើតហេតុ ជនសង្ស័យបម្រុងនឹងចាក់កសម្លាប់ខ្លួនឯងប៉ុន្តែត្រូវបានប៉ូលិសធ្វើអន្តរាគមន៍ទាន់ មុនពេលចាប់ខ្លួន Brandon បានបង្ហោះ Story នៅក្នុង Instagram របស់ខ្លួនដោយបានសរសេរពាក្យថា “Here comes hell” ។ គួរបញ្ជាក់ផងដែរថា អ្នកទាំងពីរស្គាល់គ្នាតាមរយៈបណ្តាញ Instagram កាលពី២ខែមុន ហើយនៅថ្ងៃសៅរ៍ វេលាម៉ោង១០យប់ពេលធ្វើដំណើរត្រឡប់មកពីមើលការប្រគុំតន្រ្តីនៅញ៉ូវយកវិញ តាមផ្លូវធ្វើដំណើរអ្នកទាំងពីរមានការឈ្មោះប្រកែកគ្នារហូតបង្កឱ្យមានអំពើឃាតកម្មកើតឡើងបែបនេះ៕