លោក បញ្ញាសិទ្ធិ មានបញ្ហារឿងជំពាក់លុយគេទៀតហើយ!

ភ្នំពេញ៖ កាលពីពេលថ្មីនេះៗលោក បញ្ញាសិទ្ធិ ត្រូវមានបណ្តាញសង្គមចាប់អារម្មណ៍លើគាត់ជាខ្លាំងដោយសារតែគាត់ត្រូវបានគណនី Facebook បានលើកឡើងថា លោក បញ្ញាសិទ្ធិ មានបញ្ហាពាក់ពន្ធ័ជាមួយរឿងលុយកាក់ដោយទាមទារឱ្យលោកចូលខ្លួនមកដោះស្រាយ។

បន្ទាប់ពីបានធ្វើការបកស្រាយរួចមក ឥឡូវនេះលោក បញ្ញាសិទ្ធិ កំពុងតែមានបញ្ហារឿងលុយកាក់សារជាថ្មីម្តងទៀតហើយ ដោយលើកនេះលោកមានបញ្ហាជាមួយក្លឹបកម្សាន្តមួយកន្លែងវិញម្តង។

លោក បញ្ញាសិទ្ធិ ត្រូវបានក្លឹបកម្សាន្តដែលលោកធ្លាប់បម្រើការថាឱ្យលោកថាជាជនដែលយកគុណសងទោសទៅវិញ ពីព្រោះលោក បញ្ញាសិទ្ធិ ត្រូវបានក្លឹបកម្សាន្តមួយនោះអាណិត និងបានជួយសម្រួលដល់លោកពេលដែលគាត់ធ្លាប់បានខ្ចីលុយជាច្រើន។

បន្ទាប់ពីឈប់ធ្វើការនៅទីនោះ លោក បញ្ញាសិទ្ធិ មិនទាន់បានសងលុយដែលខ្លួនខ្ចីទៅកាន់ក្លឹបកម្សាន្តនោះអស់នោះទេ។ យ៉ាងណាមិញបន្ទាប់ពីខ្លួនបានសងលុយអស់ហើយ ខ្លួនបានលើកឡើងថា ក្រុមហ៊ុនពុំបានប្រាប់ឱ្យលោកបានដឹងជាមុនអំពីការកំនត់សងលុយទាំងនោះទេ ដែលជាក់ស្តែងខាងក្រុមហ៊ុនបានជូនដំណឹងទៅកាន់លោកមុនទៅហើយ។

បច្ចុប្បន្នក្រុមហ៊ុនមិនពេញចិត្តចំពោះការចោទប្រកាន់របស់លោក បញ្ញាសិទ្ធិ នោះទេដោយខាងក្រុមហ៊ុនតម្រូវឱ្យលោកបកស្រាយ និងសូមទោសដល់ក្រុមហ៊ុន បើមិនដូច្នេះទេខាងក្រុមហ៊ុននឹងដាក់ពាក្យបណ្ដឹងតាមផ្លូវច្បាប់៕

អត្ថបទ៖ ណារ៉ូត