Connect with us

ManUtd ព្រមចុះហត្ថលេខាខ្សែការពាររបស់ Leicester ក្នុងតម្លៃ ៨០លានផោន

ManUtd ព្រមចុះហត្ថលេខាខ្សែការពាររបស់ Leicester ក្នុងតម្លៃ ៨០លានផោន

អង់គ្លេស៖ Manchester United បានយល់ព្រមចុះហត្ថលេខាលើខ្សែការពាររបស់ក្លិប Leicester កីឡាករ Harry Maguire នៅក្នុងកិច្ចសន្យាដែលមានតម្លៃ ៨០លានផោន។

នេះបើយោងតាមរបាយការណ៍របស់ Independent និង Bleacher Report ដែលបានរាយការណ៍កាលពីថ្ងៃអាទិត្យថា កីឡាករអន្តរជាតិអង់គ្លេសត្រូវគេរំពឹងថា នឹងក្លាយជាកីឡាកររបស់ក្រុមបិសាចក្រហមជាផ្លូវការក្នុងពេលឆាប់ៗនេះ ។ តម្លៃផ្ទេរត្រូវបានគិតថា នឹងមានប្រហែល ៧០លានផោនជាមួយនឹងទឹកប្រាក់ប្រហែល ១០លានផោនសម្រាប់ប្រាក់រង្វាន់នៅពេលក្រោយ។

Ole Gunnar Solskjaer ដែលជាគ្រូបង្វឹករបស់ក្រុមបិសាចក្រហមទំនងជានឹងដាក់ខ្សែការពារថ្មីមួយនេះធ្វើជាដៃគូជាមួយ Victor Lindelöf ក្នុងតំបន់ការពារកណ្ដាល និង Aaron Wan-Bissaka នៅខាងស្តាំ ហើយ Luke Shaw នៅខាងឆ្វេងក្នុងយុទ្ធនាការនាពេលខាងមុខនេះ។

Maguire ត្រូវបានគេកំណត់ថា ជាការមកដល់ថ្មីទីបីនៅទឹកដី Old Trafford នៅរដូវក្តៅនេះ ហើយបើយោងតាមសារព័ត៌មានដដែរក៏ផ្សាយថា ក្លិបកំពុងតែធ្វើការលើកិច្ចព្រមព្រៀងមួយទៀតដើម្បីចុះហត្ថលេខាកីឡាករបស់ Sporting Lisbon ដែលមានឈ្មោះថា Bruno Fernandes ៕

ប្រភព៖ trollkhmer

    Loading...

    ពេញនិយម