Connect with us

បុរសទី១ដែលជួយឱ្យមនុស្សជាន់លើព្រះចន្ទ បានទទួលមរណភាព

នេះជាការបាត់បង់ធនធានមនុស្សម្នាក់ ដ៏កម្រ!

អាមេរិក៖ អតីតប្រធានផ្នែកហោះហើររបស់ទីភ្នាក់ងារអវកាសណាសា លោក Christopher Kraft ដែលជាបុរសទីមួយ ដែលរួមចំណែកយ៉ាងធំធេងឱ្យអវកាសយានិកអាមេរិក បានជាន់លើឋានព្រះចន្ទ បានទទួលមរណភាព ក្នុងអាយុ ៩៥ឆ្នាំ ដោយសារវ័យចាស់ជរា នៅថ្ងៃទី២២ ខែកក្កដា ឆ្នាំ២០១៩ ។

លោក Kraft បានចូលបម្រើការនៅណាសា កាលពីឆ្នាំ១៩៥៨ និងជាបុរសដំបូង ដែលរៀបចំឱ្យចេញជារូបរាង នូវផែនការ និងដំណើរការនៃការគ្រប់គ្រងសម្រាប់បេសកកម្មទីអវកាសដែលមានបញ្ជូនអវកាសយានិកទៅជាមួយ។ លោកបានបង្កើតអង្គភាព Mission Control ដែលត្រូវបានប្រើប្រាស់សម្រាប់ការហោះហើររបស់អវកាសយានិក និងបេសកកម្មអាប៉ូឡូ ដែលបានចុះចតដោយជោគជ័យ នៅលើភពព្រះចន្ទ។

អនិច្ចកម្មរបស់លោក Kraft បានកើតឡើង បន្ទាប់ពីសហរដ្ឋអាមេរិក ទើបតែបានប្រារព្ធពិធីរំឭកខួប៥០ឆ្នាំ ដែលមនុស្សបានជាន់លើឋានព្រះចន្ទជាលើកដំបូង កាលពីថ្ងៃទី២០ ខែកក្កដា ឆ្នាំ២០១៩។

ណាសា បានធ្វើសេចក្ដីថ្លែងការណ៍មួយថា មរណភាពរបស់លោក Kraft ជាការបាត់បង់ដ៏ធំធេងមួយរបស់អាមេរិក។ លោកជាស្នូល នៃបេសកកម្មឡើងទៅឋានព្រះចន្ទ ហើយស្នាដៃរបស់លោក មិនអាចកាន់ថ្លៃបានឡើយ៕

ប្រភព៖ AFP

ប្រែសម្រួល៖ ចាន់ សោភ័ណ្ឌលាភ

    Loading...

    ពេញនិយម