Connect with us

Spurs ត្រៀមជះលុយ ៨០លានផោន ទិញ Paulo Dybala ពី Juventus

Spurs ត្រៀមជះលុយ ៨០លានផោន ទិញ Paulo Dybala ពី Juventus

អង់គ្លេស៖ ក្រុម Tottenham Hotspur បានចូលរួមប្រជែងជាមួយក្រុម Manchester United និង PSG ដើម្បីយកខ្សែប្រយុទ្ធ Paulo Dybala របស់ក្រុម Juventus ។

Dybala កំពុងព្យាយាមរកកៅអី១១នាក់ដំបូងនៅក្នុងក្រុមរបស់លោក Maurizio Sarri ហើយត្រូវបានគេរាយការណ៍នៅប្រទេសអ៊ីតាលីថា គេកំពុងចាប់ផ្តើមសម្លឹងមើលគោលដៅផ្សេងៗទៀត។

Manchester United និង Paris Saint-Germain គឺជាក្លិបដែលត្រូវបានគេចាប់អារម្មណ៍ ប៉ុន្តែឥឡូវនេះ Spurs បានលោតខ្លួនចូលមកដណ្ដើមផងដែរ។ យោងតាមកាសែត Evening Standard, Daily Mail និងសារព័ត៌មានជាច្រើនទៀតបានឲ្យដឹងថា ក្រុមមាន់ខ្នាយមាសត្រៀមចំណាយ ៨០លានផោនដើម្បីទិញ Dybala ។

កីឡាករអាហ្សង់ទីន វ័យ ២៥ឆ្នាំត្រូវបាន Juventus ទិញពីក្រុម Palermo ក្នុងតម្លៃ ៤០លានអឺរ៉ូ កាលពីឆ្នាំ ២០១៥ ហើយរដូវកាលមុនរូបគេរកបាន ១០គ្រាប់ក្នុងការប្រកួត ៤២លើកឲ្យ Juventus៕

ប្រភព៖ trollkhmer

    Loading...

    ពេញនិយម