Connect with us

សម្រស់នៅតែស្អាតទោះជាអ្នកនាង នៅ សុនីតា សម្រាលកូនរួចហើយក៏ដោយ

នៅ សុនីតា រីករាយយ៉ាងខ្លាំង នៅពេលសម្រាលកូនប្រុសដំបូង

ភ្នំពេញ៖ ភរិយារបស់លោក ទិត្យ ថាវរិទ្ធ អ្នកនាង នៅ សុនីតា នៅតែមានភាពទាក់ទាញ ទោះជាអ្នកនាង សម្រាលបានកូនប្រុសមួយក៏ដោយ ក៏សម្រស់របស់គាត់នៅតែមានភាពស្រស់ដដែល ។ តារាសម្តែង និងជាតារាបង្ហាញម៉ូដ អ្នកនាង នៅ សុនីតា និង ស្វាមី បានមូលមតិគ្នាដោយដាក់ឈ្មោះ កូនប្រុសដំបូងរបស់អ្នកពីរ ថា  “ទិត្យ សង្រ្កាន្តគាថាណារិទ្ធ”។ គ្រាន់តែឈ្មោះរបស់កូនប្រុស ក៏មានការទាក់ទាញអារម្មណ៍ផងដែរ។

លោក ទិត្យ ថា វរិទ្ធ បានបញ្ជាក់ពីអារម្មណ៍ពិតជារបស់លោកថា លោកពិតជាស្រឡាញ់កូនប្រុស របស់លោកខ្លាំងណាស់ ព្រោះកូនប្រុសដំបូងនេះ ក៏ជាចំណងស្នេហ៍ ដែលលោកមិនអាចបំភ្លេចបាននោះឡើយ ។ ទោះជាយ៉ាងណានោះ អ្នកនាង នៅ សុនីតា ក៏កំពុងសម្រាកនៅមន្ទីពេទ្យមួយកន្លែង នៅជិតកោះពេជ្រ ហើយសុខភាពម្តាយ និងកូន គឺមានសុខភាពល្អ ទោះជាកូនដំបូងនេះ អ្នកនាងត្រូវបានវះកាត់ក៏ដោយ។

លោក ទិត្យ ថាវរិទ្ធ បាននិយាយថា កូនប្រុស ទិត្យ សង្ក្រាន្តគាថាណារិទ្ធ ពិតជាមានមុខមាត់ដូចនឹងគាត់ខ្លាំង ហើយក៏ជាគ្រាប់ពេជ្រសម្រាប់រូបលោកផងដែរ។ ក្រោយពេលអ្នកនាង នៅ សុនីតា សម្រាលកូនរួចរាល់មក សង្កេតឃើញថា ក៏មានតារាចម្រៀង តារាសម្តែងជាច្រើន បានចូលទៅសួរសុខទុក្ខអ្នកនាងផ្ទាល់ដែល៕

 

អត្ថបទ៖ ឡុង រតនា

    Loading...

    ពេញនិយម