តារាចម្រៀង Original Song កញ្ញា ឌី សូនីតា ឈ្មោះក្រៅថា “ស្រីម៉ៅហៅកាដុង” ត្រៀមចេញបទចម្រៀងថ្មី

ភ្នំពេញ៖ ម្ចាស់បទ “បើសិនអូនបាត់ការចងចាំ” កញ្ញា ឌី សូនីតា ក៏កំពុងតែត្រៀមនិងចេញអាល់ប៊ុមចម្រៀងថ្មីៗបន្ថែមទៀតក្នុងឆ្នាំនេះ សម្រាប់អ្នកគាំទ្ររបស់កញ្ញា ដែលចូលចិត្តបទចម្រៀង Original Song របស់គាត់។

កញ្ញា ឌី សូនីតា ជាតារាចម្រៀងដែលទទួលបានការពេញនិយមសម្រាប់ស្រទាប់មិត្តយុវវ័យ ហើយក៏ជោគជ័យជាច្រើននៅលើវិថីសិល្បៈផងដែរ។ រឿងមួយដែលគួរឱ្យអស់សំណើច គ្រាន់តែឃើញឈ្មោះក្រៅរបស់គាត់ក៏ចង់សើចបាត់ទៅហើយ ទស្សនិកជនមិនទាន់ដឹងថា កញ្ញា ឌី សូនីតា មានឈ្មោះក្រៅអ្វីនោះដែរ ប៉ុន្តែក្រោយកញ្ញាបានផុសរូប ហើយសរសេរឈ្មោះរបស់ខ្លួន ដោយហៅថា “ស្រីម៉ៅហៅកាដុង” ពិតជាចង់សើចណាស់សម្រាប់ទស្សនិកជន បន្ទាប់ពីបានឃើញឈ្មោះគាត់រួចមក។

តារាចម្រៀង Original Song ម្នាក់នេះធ្វើឱ្យបុរសៗចាប់អារម្មណ៍លង់ស្រឡាញ់កញ្ញា លើសម្បុរស្រអែមរបស់គាត់ ក៏បាននាំគ្នាលួចសរសើរគ្រប់ៗគ្នា យ៉ាងនេះទៅទៀតហ្វេនរបស់កញ្ញា ឌី សូនីតា ក៏កំពុងតែរង់ចាំនៅបទចម្រៀងថ្មីៗរបស់កញ្ញាផងដែរ៕

អត្ថបទ៖ ឡុង រតនា