ផ្ទុះ Power Bank សំណាងមិនទាន់ឡើងយន្តហោះ នៅថៃ (មានវីដេអូ)

ថៃ៖ ករណីផ្ទុះ Power Bank មួយគ្រឿង បានកើតឡើងចំពោះភ្ញៀវទេសចរម្នាក់ មុនពេលគាត់ ដើរចូលព្រលានយន្តហោះអន្តរជាតិខេត្តឈៀងម៉ៃ ភាគខាងជើងប្រទេសថៃ កាលពីសប្ដាហ៍មុន។

ហេតុការណ៍នេះ មិនបានបង្កគ្រោះថ្នាក់ដល់អ្នកទេសចរនោះឡើយ តែធ្វើឱ្យខូចខាតសម្ភារៈមួយចំនួន ក្នុងកាតាបរបស់គាត់។ វីដេអូ ត្រូវបានបង្ហោះដោយមន្ត្រីបម្រើការនៅព្រលានយន្តហោះ កាលពីថ្ងៃទី២៤ ខែកក្កដា ឆ្នាំ២០១៩ និង ត្រូវបានចែកចាយនៅក្នុងបណ្ដាញទំនាក់ទំនងសង្គមនៅប្រទេសថៃ។

គួរឱ្យកត់សម្គាល់ នៅពេលផ្ទុះឆេះរួច Power Bank បានឆេះជាលើកទី២ នៅពេលវាបានធ្លាក់នៅលើផ្លូវ ធ្វើឱ្យសន្តិសុខម្នាក់ ដែលព្យាយាមផ្ដិតយករូបភាព ក៏ត្រូវរត់ចេញយ៉ាងលឿន។ មន្ត្រីព្រលានយន្តហោះ បានអះអាងថា នេះហើយ គឺជាមូលហេតុដែលព្រលានយន្តហោះនានា មានភាពតឹងរ៉ឹងចំពោះឧបករណ៍ Power Bank នេះ នៅពេលយកឡើងលើយន្តហោះ៕

សូមទស្សនាវីដេអូ៖

ប្រភព៖ Bangkok Post

ប្រែសម្រួល៖ ចាន់ សោភ័ណ្ឌលាភ