Connect with us

ផលិតករ លោក ហ៊ុយ យ៉ាឡេង ធ្លាក់ខ្លួនឈឺចំពេលកំពុងរៀបចំថតរឿងកម្សត់

ទោះជាវះកាត់ឆ្អឹងខ្នងក៏ដោយ ហ៊ុយ យ៉ាឡេង ត្រូវតែសម្រេចបំណងឱ្យបាន

ភ្នំពេញ៖ ផលិតករដែលមានស្នាដៃដែលកំពុងតែទទួលបានការគាំទ្រពីសំណាក់ប្រិយមិត្តអ្នកទស្សនាការដឹកនាំខ្សែភាពយន្តដ៏ឥតខ្ចោះរបស់លោក ហ៊ុយ យ៉ាឡេង ពេលនេះលោកកំពុងតែធ្លាក់ខ្លួនឈឺឆ្អឹងខ្នងនៅពេលលោក កំពុងតែរៀបចំផលិតរឿងកម្សត់ថ្មីមួយសម្រាប់ចំណីចក្ខុទស្សនិកជនថ្មីទាក់ទងនឹងជីវិតអ្នកធាក់ស៊ីក្លូ។

លោក ហ៊ុយ យ៉ាឡេង ពិតជាមិនគួរឱ្យជឿខ្លួនឯងទាល់តែសោះព្រោះគ្រាន់តែចាប់ផ្តើមថតរឿងកម្សត់ភ្លាមជំងឺក៏បានធ្លាក់មកលើរូបគាត់តែម្តងពិតជានឹកស្មានមិនដល់មែន។ បើយោងតាមសម្តីរបស់លោក ហ៊ុយ យ៉ាឡេង បាននិយាយថា “លោកសុំសម្រេចក្តីបំណងរបស់លោកតែ៥ឆ្នាំទៀតសោះ ទេវតាអើយចាំ៥ឆ្នាំទៀតចាំឈឺទៅ”។ តែទោះជាយ៉ាងណាក៏លោក នឹងសម្រេចគោលដៅនេះឱ្យខានតែបាន ទោះជាគាត់អស់កម្លាំងដោយការវះកាត់ដាក់ដែកក៏ដោយ លោកនៅតែបន្តដំណើតទៅមុខទៀតមិនរាថយឡើយ។

លោក ហ៊ុយ យ៉ាឡេង កំពុងតែរៀបចំផលិតនៅរឿងថ្មីមួយគ្រោងចេញក្នុងពេលឆាប់ៗនេះ ដែលមានចំណងជើងថា “ដើម្បីកូន” គឺជារឿងមួយដែលចង់និយាយជីវិតឪពុកធាក់ស៊ីក្លូ ដើម្បីចញ្ចឹមជីវិតកូន ដូចជារូបដែលលោក ហ៊ុយ យ៉ាឡេង គាត់ថតក្នុងរូបនេះស្រាប់។ នាពេលនេះ លោក ហ៊ុយ យ៉ាឡេង បានពិនិត្យមើលឆ្អឹងខ្នងរួចហើយ ក៏កំពុងតែរៀបចំថតរឿងថ្មីផងដែរ ៕

អត្ថបទ៖ ឡុង រតនា

    Loading...

    ពេញនិយម