Connect with us

Ronaldinho ត្រូវបានរឹបអូសទ្រព្យសម្បត្តិជិត ៦០កន្លែង

ដល់ក ហើយ វីរបុរសបាល់ទាត់ប្រេស៊ីល ត្រូវគេរឹបអូសទ្រព្យសម្បត្តិជិត ៦០កន្លែង

ប្រេស៊ីល៖ អតីតខ្សែប្រយុទ្ធរបស់ក្រុមប្រេស៊ីល និងក្លិប Barcelona លោក Ronaldinho ត្រូវបានអាជ្ញាធរប្រេស៊ីល ធ្វើការរឹបអូសទ្រព្យសម្បត្តិរបស់គាត់ចំនួន ៥៧កន្លែង ព្រមទាំងលិខិតឆ្លងដែនប្រេស៊ីល និង អេស្ប៉ាញ ពាក់ព័ន្ធនឹងការគេចមិនបង់ពន្ធ និងប្រាក់ពិន័យ។

Ronaldinho មានទាក់ទងនឹងការសាងសង់សំណង់ខុសច្បាប់ នៅទីក្រុង Porto Alegre ដែលត្រូវបានអាជ្ញាធរពិន័យជាប្រាក់ជិត ២,៥លានដុល្លារអាមេរិក។ ហើយពាក់ព័ន្ធនឹងបញ្ហាពន្ធ គាត់ បានជំពាក់ជិត ២លានដុល្លារអាមេរិក។

តាមការប៉ាន់ស្មាន Ronaldinho មានទ្រព្យសម្បត្តិ ចន្លោះពី ១០០ លាន ដល់ ១២០លានដុល្លារអាមេរិក។ គាត់ ទទួលបាន ១៨ម៉ឺនដុល្លារអាមេរិក សម្រាប់ការបង្ហោះផ្សព្វផ្សាយម្ដងក្នុងបណ្ដាញទំនាក់ទំនងសង្គម Instagram ៕

ប្រភព៖ BBC

ប្រែសម្រួល៖ ចាន់ សោភ័ណ្ឌលាភ

    Loading...

    ពេញនិយម