ណាខនទៅដល់សួនសត្វអូទ្រីសខេត្តមណ្ឌលគីរីភ្លាមបង្ហោះវីដេអូភ្លែត(មានវីដេអូ)

ភ្នំពេញ៖ លើកនេះមិនចាំបាច់ទៅស្រុកគេនោះទេ ប្រទេសកម្ពុជាយើងក៏មានសួនសត្វអូទ្រីសដ៏ធំជាងគេដែរ ហើយក៏ជាលើកដំបូងនៅកម្ពុជាផងដែរ ដែលមានសួនសត្វអូទ្រីស ស្ថិតនៅក្នុងឃុំដាក់ដាំ ស្រុកអូររាំង ខេត្តមណ្ឌលគីរី កំពុងតែទាក់ទាញចំណាប់អារម្មណ៍យ៉ាងខ្លាំងពីសំណាក់ភ្ញៀវទេសចរជាតិ និងអន្តរជាតិ ។

ភ្ញៀវទេសចរ មិនត្រឹមតែអាចទស្សនានៅសួនសត្វអូទ្រីសតែប៉ុណ្ណោះនោះទេ ព្រមទាំងអាចស្រូបយកខ្យល់អាកាសបែបធម្មជាតិដ៏ស្រស់បំព្រង ជាពិសេសដើមស្រល់ដ៏ខៀវខ្ចីដុះអមតាមជើងភ្នំនៃទឹកដីខេត្តមណ្ឌលគីរី។

សួនសត្វអូទ្រីសដំបូងនេះ គឺបានបង្កើតឡើងដោយក្រុមហ៊ុនឯកជនមួយនៅកម្ពុជាក្នុងគោលបំណងស្វាគមន៍ទទួលភ្ញៀវទេសចរជាតិ និងអន្តជាតិ ដើម្បីបានចូលមកទស្សនាកម្សាន្តនៅក្នុងសួនសត្វអូទ្រីសមួយនេះ។

ថ្មីៗនេះលោក ណាខន ដែលជាតារាសម្តែងមួយដួងក្នុងរឿងម្ចាស់ចំការបានទៅដល់ទីនោះ បានលាន់មាត់ថា “ពិតជាស្រស់ស្អាតណាស់សម្រាប់ទឹកនៃខេត្តមណ្ឌលគីរីមួយនេះ វាពិសេសណាស់ដែលកម្ពុជារបស់យើងមានសួនសត្វអូទ្រីសដំបូងគេនៅក្នុងកម្ពុជា” ប្រិយមិត្តអាចចូលរួមទស្សនាបានច្រើនកុះករ ក៏ដូចជាបង្កើតការងារដល់ប្រជាពលរដ្ឋនៅទីនោះផងដែរ៕

សូមទស្សនាវីដេអូ៖

អត្ថបទ៖ឡុង រតនា