Connect with us

ការពិតកន្ទុយបារីនាំទុក្ខដល់បរិស្ថានខ្លាំងជាងប្លាស្ទីកទៀត

ប្រមាណ៤.៥ពាន់លានបារីក្នុងមួយឆ្នាំ

សង្គម៖ មនុស្សជាច្រើនដែលបានគិតថា ប្លាស្ទីកគឺជារបស់ដែលធ្វើឱ្យផែនដីរងគ្រោះខ្លាំងដោយសារត្រូវចំណាយរយៈពេលរាប់រយឆ្នាំក្នុងការរំលាយ និង នាំទុកខ្លាំងដល់ពពួកសត្វដែលរស់នៅក្នុងទឹក ប្លាស្ទីកជាចំណែកដែលបំផ្លាញដល់ភពផែនដី ប៉ុន្តែមានរបស់ម៉្យាងទៀតដែលមានឥទ្ធិពលខ្លាំងជាងប្លាស្ទីកទៀតនោះគឺកន្ទុយបារី។

យោងតាមការសិក្សាស្រាវជ្រាវថ្មីមួយនៅសកលវិទ្យាល័យ Anglia Ruskin នាចក្រភពអង់គ្លេសបានបង្ហាញថា កន្ទុយបារីមិនត្រឹមតែជារបស់ដែលបំផ្លាញដល់បរិស្ថាន និង សត្វដែលរស់នៅក្នុងទឹកប៉ុណ្ណោះទេ ថែមទាំងនាំបញ្ហដល់ផ្ទៃដីថែមទៀតផងដោយសារបារីផ្សំឡើងពីសារធាតុដែលអាចបង្កឱ្យមានគ្រោះថ្នាក់ខ្លាំងដែលជាហេតុនាំឱ្យប៉ះពាល់ដល់រុក្ខជាតិលើផែនដីផងដែរ។

គួរបញ្ជាក់ផងដែរថា កន្ទុយបារីប្រមាណ៤.៥ពាន់លានត្រូវបានប្រើប្រាស់ក្នុងមួយឆ្នាំដែលវាជាចំនួនដ៏ច្រើនលើសលប់បណ្តាលឱ្យផែនដី និង របស់មានជីវិតទាំងអស់មិនថា មនុស្ស សត្វ ឬ រុក្ខជាតិឡើយគឺសុទ្ធតែរងផលប៉ះពាល់ទាំងអស់ដោយសារតម្រូវការរបស់មនុស្ស៕

ប្រែសម្រួល៖ គង់ ចាន់ស្រីនុច

    Loading...

    ពេញនិយម