ប៊ិះកាត់ម្រាមមេដៃចោលដោយសារប្រើប្រាស់ស្រ្គីនទូរសព្ទបែក

ម៉ាឡេស៊ី៖ បុរសជនជាតិម៉ាឡេស៊ីអាយុ២៣ឆ្នាំម្នាក់ដែលត្រូវបានឈ្មោះថា Azuan Iqbal Abdullah Sani ស្ទើរតែត្រូវកាត់ម្រាមមេដៃដោយសារប្រើប្រាស់ស្រ្គីនទូរសព្ទបែកលេងហ្គេមដែលលោកពិនិត្យឃើញថា ម្រាមមេដៃស្តាំរបស់លោកមានចំនុចខ្មៅ និង ហើមកាលពី៣សប្តាហ៍មុន។

លោកក៏បានទៅមន្ទីរពេទ្យដើម្បីពិនិត្យ ក្រោយមកគ្រូពេទ្យបានប្រាប់ថា លោកត្រូវធ្វើការវះកាត់ដើម្បីយកកំទេចអំបែងចេញ ខ្ទុះ និង សាច់រលួយដោយមិនអាចពន្យាពេលបានឡើយ ពុំដូច្នោះទេលោកនឹងត្រូវកាត់ម្រាមមេដៃចោល។ ឮដូចនោះលោកក៏មិនហ៊ានបង្អង់ពេលឡើយ ដោយសម្រេចធ្វើការវះកាត់ ទីបំផុតលោកក៏បានរួចផុតគ្រោះ និង អំពាវនាវដល់ទាំងអស់គ្នាចៀសវាងការប្រើប្រាស់ស្រ្គីនទូរសព្ទដែលបែក ប្រយ័ត្នមានបញ្ហាដូចលោក៕

ប្រែសម្រួល៖ គង់ ចាន់ស្រីនុច