វាលប្រមាញ់ (The Prey) នឹងបញ្ចាំងនៅកម្ពុជា១សប្តាហ៍មុនថ្ងៃភ្ជុំបិណ្ឌនេះ(មានវីដេអូ)

ភ្នំពេញ៖ រឹតតែល្អមើល មិនចាញ់ភាពយន្តបរទេសនោះឡើយ ប្រិយមិត្តប្រាកដជាជក់ចិត្តជាមួយខ្សែភាពយន្តខ្នាតធំ ដែលស្នាដៃរបស់ផលិតករ លោក ជីមី ហេនឌ័រសុន ដែលបានសម្រិតសម្រាំងយ៉ាងល្អគ្មានពីរ ក្នុងការផលិតនៅភាពយន្តមួយនេះគឺ រឿង “វាលប្រមាញ់” ជារឿងមួយដែលបានថតនៅប្រទេសកម្ពុជាក្នុងទឹកដីខេត្តកោះកុង។

រឿងនេះនិយាយពីសកម្មភាពនៃការប្រមាញ់មនុស្សដែលក្លាយជាល្បែងរបស់អ្នកធំ និងអ្នកជំនួញនានាជាពិសេសបណ្តោយព្រំដែនជាមួយប្រទេសជិតខាង។ ហើយ លាយឡំទាំងការសម្លាប់មនុស្សយ៉ាងរង្គាលពេញព្រៃ ហើយទុកមនុស្សជាល្បែងនៅក្នុងការសម្លាប់ទៅវិញ ព្រោះតែការកម្សាន្តតែប៉ុណ្ណោះ។

រឿង “វាលប្រមាញ់” ជាខ្សែភាពយន្តខ្នាតធំមួយដែលមានការចូលរួមសម្តែងពីសំណាក់តារាសម្តែងកម្ពុជា និងតារាសម្តែងបរទេសជាច្រើនដួង សុទ្ធសឹងតែមានបទពិសោធន៍ក្នុងការសម្តែង។

ខ្សែភាពយន្ត រឿង “វាលប្រមាញ់” ចំណាយអស់ទឹកប្រាក់ជិត១លានដុល្លារ ជាខ្សែភាពយន្តខ្នាតធំរបស់ខ្មែរដែលចំណាយទុនច្រើនជាងគេក្នុងការផលិតខ្សែភាពយន្តមួយនេះ។ រឿង “វាលប្រមាញ់” គ្រោងដាក់បញ្ចាំងចាប់ពីថ្ងៃ១៩ ខែកញ្ញា ឆ្នាំ២០១៩ ខាងមុខនេះ នៅតាមរោងភាពយន្តនានា៕

សូមទស្សនាវីដេអូ៖

អត្ថបទ៖ ឡុង រតនា