Connect with us

រឿង Fast & Furious ថ្មី វ៉ាផ្តាច់ Lion King នៅអាមេរិកខាងជើង

រឿង Fast & Furious ថ្មី វ៉ាផ្តាច់ Lion King នៅអាមេរិកខាងជើង

បរទេស៖ ភាពយន្ត “Fast & Furious Presents: Hobbs & Shaw” បានវ៉ាផ្តាច់ ភាពយន្ត “The Lion King” នៅ Box Office ក្នុងទ្វីបអាមេរិកខាងជើង ដោយរកចំណូលបានជាង ៦០លានដុល្លារអាមេរិក ពីការចាក់បញ្ចាំងនៅរោងភាពយន្តជាង ៤២០០ ក្នុងសប្ដាហ៍ដំបូង។

ភាពយន្តថ្មីរបស់ហ្វ្រេនឆាយស៍ Fast & Furious មានការចូលរួមសម្ដែងពីតារាសម្ដែង Dwayne Johnson និង Jason Statham ដែលពួកគេ ត្រូវបានប្រឈមមុខនឹង Idris Elba ។

ក្នុងសប្ដាហ៍ជាមួយគ្នា “The Lion King” ឈរនៅលេខ២ រកចំណូលបាន ៣៨,២ លានដុល្លារអាមេរិក តាមពីក្រោយដោយភាពយន្ត “Once Upon A Time In Hollywood” ដែលរកចំណូលបាន ២០ លានដុល្លារអាមេរិក។ លេខ៤ បានធ្លាក់លើភាពយន្ត “Toy Story 4” ដែលទទួលបានប្រាក់ចំណូល ៨,២លានដុល្លារ ខណៈ “Spider-Man: Far From Home” ឈរលេខ៥ ជាមួយទឹកប្រាក់ ៧,៨ លានដុល្លារ ក្នុងសប្ដាហ៍ដដែល៕

ប្រភព៖ Strait Times

ប្រែសម្រួល៖ ចាន់ សោភ័ណ្ឌលាភ

    Loading...

    ពេញនិយម