Connect with us

ចិន ផ្អាកបញ្ចាំងភាពយន្តដែលសម្ដែងដោយតារាតៃវ៉ាន់

អាណិតតារាតៃវ៉ាន់ណាស់!

ចិន៖ អាជ្ញាធរទទួលបន្ទុកភាពយន្តរបស់ចិន នៅថ្ងៃទី៧ ខែសីហា ឆ្នាំ២០១៩ នេះ បានប្រកាសថា ខ្លួនបានផ្អាកបញ្ចាំងភាពយន្តទាំងឡាយណា ដែលមានការចូលរួមសម្ដែងដោយតារាតៃវ៉ាន់ ហើយបានចេញបញ្ជាហាមឃាត់ តារាសម្ដែងតៃវ៉ាន់ ចូលរួមក្នុងពិធីប្រគល់ពានរង្វាន់ប្រចាំឆ្នាំរបស់ខ្លួន ដោយមិនបានបញ្ជាក់ពីមូលហេតុឡើយ។

សេចក្ដីប្រកាសរបស់អាជ្ញាធរភាពយន្ត ដែលមានមូលដ្ឋាននៅចិនដីគោក បានធ្វើឡើង ក្រោយព្រឹត្តិការណ៍ផ្ដល់ពានរង្វាន់ចំពោះតារាសម្ដែងភាពយន្តប្រចាំឆ្នាំរបស់ចិន ដែលគេចាត់ទុកស្មើនឹងពានរង្វាន់ Oscars។

ការប្រកាសនេះ ធ្វើឡើង ខណៈតៃវ៉ាន់ និងចិនដីគោក មានជម្លោះ ពាក់ព័ន្ធនឹងការទាមទារឯករាជ្យរបស់តៃវ៉ាន់។ កាលពីសប្ដាហ៍មុន ចិន បានប្រកាសឈប់ចេញឯកសារធ្វើដំណើរសម្រាប់ប្រជាជននៅចិនដីគោក ដែលមានបំណងទៅកម្សាន្តនៅតៃវ៉ាន់ ផងដែរ៕

ប្រភព៖ Reuters

ប្រែសម្រួល៖ ចាន់ សោភ័ណ្ឌលាភ

    Loading...

    ពេញនិយម