Connect with us

លើកនេះ រចនា រ៉ាវាឌី សម្តែងជាតួអង្គ “នាងណាត” បែបកំប្លែង

លើកនេះ “នាងណាត” បែបកំប្លែងលេចមុខមកទៀតហើយ ខ្លាចណាស់

ភ្នំពេញ៖ តារាសម្តែង កញ្ញា រចនា រ៉ាវាឌី ធ្លាប់តែសម្តែងជាតួអង្គកាច់កុង ស្លូតបូត ដែលទស្សនិកជនស្គាល់ថាជាតារាស្រីឆ្នាស់ ធ្វើឱ្យគេស្អប់គ្រប់ៗគ្នា។ លើកនេះ កញ្ញា រចនា រ៉ាវាឌី បានក្លាយជាតួអង្គខ្មោចរឿង “នាងណាត” នៅក្នុងកម្មវិធី “តោះសើច” ជារឿងបែបកំប្លែងប្រចាំស្ថានីយទូរទស្សន៍ CTN ធានាថាធ្វើឱ្យប្រិយមិត្តអ្នកទស្សនា សើចតាំងពីដើមរហូតដល់ចប់។

នេះជាលើកទីមួយហើយសម្រាប់ កញ្ញា រចនា រ៉ាវាឌី ដែលអ្នកនាំរឿងតម្រូវឱ្យកញ្ញាសម្តែងជាតួអង្គខ្មោច ហើយជារឿងបែបកំប្លែងថែមទៀត។ តែទោះជាយ៉ាងណាក៏កញ្ញា រចនា រ៉ាវាឌី សម្តែងបានយ៉ាងល្អ ទោះជាជួបឧបសគ្គច្រើនយ៉ាងណាក៏ដោយ។

មួយរយៈ កញ្ញា ទទួលបានជោគជ័យលើវិស័យសិល្បៈ ហើយក៏កំពុងតែមមាញឹកជាមួយការថតរឿង និង MV ជាច្រើន។ កញ្ញា រចនា រ៉ាវាឌី ជាតារាសម្តែងដែលមានវ័យក្មេង តែទស្សនិកជនស្គាល់កញ្ញាច្រើនតាមរយៈការសម្តែងជាតួអង្គកាច់កុងគ្នា ក្នុងឈុតដណ្តើមស្នេហាគ្នា។ កម្មវិធី “តោះសើច” របស់ស្ថានីយទូរទស្សន៍ CTN ហើយធ្វើការចាក់ផ្សាយរៀងរាល់ថ្ងៃសៅរ៍ វេលាម៉ោង ៨យប់ ដល់ម៉ោង ៩យប់ និងចាក់ផ្សាយឡើងវិញនៅថ្ងៃសុក្រ វេលាម៉ោង ៦យប់ ដល់ម៉ោង ៧យប់៕

 

អត្ថបទ៖ ឡុង រតនា

    Loading...

    ពេញនិយម