Connect with us

Bayern Munich ចង់ចុះហត្ថលេខាតារាវ័យក្មេងទើបរះនៅ ICC របស់ Arsenal

Bayern Munich ចង់ចុះហត្ថលេខាតារាវ័យក្មេងទើបរះនៅ ICC របស់ Arsenal

អង់គ្លេស៖ យោងតាមសារព័ត៌មាន Sky Sports បានឲ្យដឹងថា Bayern Munich មានការចាប់អារម្មណ៍យ៉ាងខ្លាំងក្នុងការចុះហត្ថលេខាលើខ្សែបម្រើវ័យក្មេងរបស់ Arsenal គឺ Joe Willock ។

បន្ទាប់ពីមានការចាប់អារម្មណ៍យ៉ាងខ្លាំងក្នុងអំឡុងការប្រកួតជ័យជម្នះក្នុងពានរង្វាន់ International Champions ២-០ របស់ក្រុមកាំភ្លើងធំលើ Bayern Munich កាលពីបីសប្តាហ៍មុន ហើយកីឡាករវ័យ ១៩ ឆ្នាំរូបនេះបានបង្ហាញនូវទម្រង់លេងដ៏អស្ចារ្យមួយផ្សេងទៀតជាមួយនឹង Barcelona កាលពីចុងសប្តាហ៍កន្លងទៅ។

យុវជនរូបនេះអាចនឹងក្លាយជាកីឡាករវ័យក្មេងចុងក្រោយរបស់ Arsenal ក្នុងការផ្ទេរទៅកាន់ក្របខ័ណ្ឌ Bundesliga បន្ទាប់ពីកីឡាករ Reiss Nelson និង Emile Smith Rowe ដែលបានចំណាយពេលវេលានៅក្លិប Hoffenheim និង Red Bull Leipzig ក្នុងការខ្ចីជើងកាលពីរដូវកាលមុន។

គួរបញ្ជាក់ផងដែរថា Willock បានបង្ហាញខ្លួនជម្រើសដំបូងក្នុងក្រុមចំនួន ១៧លើករួចមកហើយជាមួយក្រុមកាំភ្លើងធំ និងរកបាន ៣ គ្រាប់ក្នុងការប្រកួតជាមួយឈុតធំចំនួន ៦លើក កាលពីរដូវកាលមុន៕

    Loading...

    ពេញនិយម