David Beckham នឹងទទួលពានរង្វាន់ថ្នាក់ដឹកនាំរបស់ UEFA សម្រាប់ការផ្សព្វផ្សាយបាល់ទាត់ជុំវិញពិភពលោក

David Beckham នឹងទទួលពានរង្វាន់កិត្តិយស ថ្នាក់ដឹកនាំសហព័ន្ធបាល់ទាត់អឺរ៉ុប UEFA President’s Award សម្រាប់កិច្ចខំប្រឹងប្រែង និង ការផ្សព្វផ្សាយអំពីបាល់ទាត់ទៅកាន់គ្រប់ទីកន្លែង លើពិភពលោក។
អតីតប្រធានក្រុមជម្រើសជាតិអង់គ្លេសរូបនេះ ត្រូវបានប្រធាន UEFA លោក Aleksander Ceferin ហៅថា ជា និមិត្តរូបតំណាងបាល់ទាត់ពិតនៃជំនាន់របស់គេ។

Beckham បានប្រឡូកជាមួយវិស័យបាល់ទាត់ជិត២០ឆ្នាំមកហើយ ដោយបង្ហាញខ្លួន ៧៦២ដង និងឈ្នះពានរង្វាន់អោយក្លិបធំៗជាច្រើនដូចជា Manchester United, La Galaxy, Real Madrid, AC Milan និង Paris St-Germain ជាដើម។

David Beckham ក៏បានក្លាយជាជនជាតិអង់គ្លេសទី៣ ដែលឈ្នះពាន UEFA President’s Award បន្ទាប់ពី Bobby Robson នៅឆ្នាំ ២០០២ និង Bobby Charlton នៅឆ្នាំ២០០៨។ សម្រាប់ការប្រគល់ពានរង្វាន់ នឹងធ្វើឡើងនាទីក្រុង Monaco ចុងឆ្នាំនេះ៕