Connect with us

តារាចម្រៀងមួយដួងទៀតហើយ កញ្ញា ពេជ្រ សោភា ត្រូវបានជនគេបន្លំយកឈ្មោះទៅឆបោក

តារាចម្រៀងពីរដួងហើយ ត្រូវបានរងគ្រោះដោយសារគេយកឈ្មោះគាត់ទៅឆបោកអ្នកដទៃបែបនេះ

ភ្នំពេញ៖ ប្រិយមិត្តធ្លាប់បានដឹងមកហើយថាសព្វថ្ងៃនេះមានមនុស្សឆបោកជាច្រើនដែលកំពុងតែធ្វើសកម្មភាពបោកប្រាស់ទៅអតិថិជនរបស់តារាចម្រៀងជាច្រើនក្នុងការរកស៊ីជំនួញអនឡាញរបស់គាត់ជាដើម។

ឥឡូវនេះមានតារាចម្រៀងមួយដួងទៀតហើយ គឺអ្នកនាង ពេជ្រ សោភា ក៏ត្រូវបានជនមិនស្គាល់មុខ បានយកឈ្មោះរបស់គាត់បន្លំជាកូនចៅគាត់ទៅឆបោកភ្ញៀវ និងអតិថិជនរបស់គាត់ ដែលជាដៃគូរកស៊ីជំនួញជាមួយអ្នកនាងផងដែរ។ តារាចម្រៀងដ៏ល្បីមួយរូបនេះកំពុងតែស្នើរឱ្យកញ្ញាម្នាក់នោះដែលជាជនឆបោក ចូលមកបង្ហាញខ្លួន ដើម្បីធ្វើការសងសំណងទៅអ្នកដែលចាញ់បោកដែលត្រូវជាភ្ញៀវរបស់គាត់វិញ បើមិនដូច្នេះនឹងត្រូវផ្តន្ទាទោសតាមច្បាប់។

អ្នកនាង ពេជ្រ សោភា ក៏បានសរសេរសារបង្ហោះនៅលើបណ្តាញសង្គមហ្វេសដោយនិយាយដូច្នេះថា “សូមបុគ្គលឈ្មោះ ភន់ ភីរុំ ជាម្ចាស់អត្តសញ្ញាណប័ណ្ណ ត្រូវជាជនខិលខូច ឬជាចោរដែលបានបោកភ្ញៀវ ទូរស័ព្ទទៅភ្ញៀវឱ្យវេលុយ បានសម្រេច។ សូមចូលខ្លួនមកបំភ្លឺ នឹងដោះស្រាយក្នុងរយៈពេលបីថ្ងៃ បើមិនដូច្នេះទេ យើងនឹងធ្វើតាមច្បាប់។

នាងខ្ញុំ ពេជ្រ សោភា សូមធានា មិនចាប់ មិនប៉ះពាល់ នឹងមិនហិង្សាកើតឡើងនោះឡើយ”។ លើកនេះជាលើកទីពីរហើយដែលតារាចម្រៀងពីរនាក់ត្រូវបានជនល្មើសបោកភ្ញៀវរបស់គាត់ក្នុងនោះមាន៖ អ្នកនាង ពេជ្រ សោភា និង កញ្ញា សុខ ពិសី ដូច្នេះសូមបងប្អូនប្រុងប្រយ័ត្ន៕

 

អត្ថបទ៖ ឡុង រតនា

    Loading...

    ពេញនិយម