Fernando Torres ចូលនិវត្តន៍ បន្ទាប់ពីការប្រកួតចុងក្រោយប៉ះអតីតមិត្តរួមជាតិ

ជប៉ុន៖ ខ្សែប្រយុទ្ធ Fernando Torres ដែលឈ្នះពានរង្វាន់បាល់ទាត់ពិភពលោកជាមួយប្រទេសអេស្ប៉ាញបានលេងការប្រកួតចុងក្រោយរបស់ខ្លួនមុនចូលនិវត្តន៍។

អតីតខ្សែប្រយុទ្ធរបស់ក្រុម Atletico Madrid, Liverpool និង Chelsea វ័យ ៣៥ ឆ្នាំបានបញ្ចប់អាជីពរបស់ខ្លួននៅប្រទេសជប៉ុនជាមួយក្លិប Sagan Tosu។ ក្រុមពួកគេបានចាញ់ការប្រកួតចុងក្រោយក្នុងលទ្ធផល ៦-១ ក្រោមស្នាដៃក្រុម Vissel Kobe ដែលរួមមានអតីតមិត្តរួមក្រុម Andres Iniesta និង David Villa។

Torres បានបង្ហាញខ្លួនចំនួន ១១០ ប្រកួតឱ្យអេស្ប៉ាញ និងឈ្នះ World Cup ក្នុងឆ្នាំ២០១០ ក៏ដូចជាពានរង្វាន់ទ្វីបអឺរ៉ុបនៅឆ្នាំ ២០០៨ និង ២០១២ ដោយស៊ុតបញ្ចូលទីទាំង ២ប្រកួតចុងក្រោយ៕