អបអរសាទរ ក្រុមសីដក់កម្ពុជា ទទួលបានមេដាយប្រាក់លំដាប់ពិភពលោក នៅប្រទេសថៃ
កីឡាសីដក់កម្ពុជា ទទួលបានមេដាយប្រាក់ លំដាប់ពិភពលោក ១គ្រឿងទៀតហើយ នៅប្រទេសថៃ
ភ្នំពេញ៖ ថ្មីៗនេះសង្កេតឃើញថា កីឡារបស់ប្រទេសកម្ពុជាកាន់តែមានភាពរីកចម្រើនជាខ្លាំង បន្ទាប់ពីទទួលបានជោគជ័យជាច្រើនលើឆាកអន្តរជាតិ សឹងតែគ្រប់កីឡាទៅហើយ ក្រោយពីកីឡាករ ប៉ាល់ ជីវ័ន្ត ទើបតែទទួលបានមេដាយមាស លំដាប់ពិភពលោក លើវិញ្ញាសារតៃក្វាន់ដូ ITF នៅប្រទេសកូរ៉េ ។
ប៉ុន្តែអ្វីដែលធ្វើឱ្យប្រជាជនកម្ពុជាសាទរបន្ថែមទៀតនោះ ក្រុមសីដក់កម្ពុជា ក៏ទទួលបានមេដាយប្រាក់លំដាប់ពិភពលោក ដែលប្រព្រឹត្តទៅនៅប្រទេសថៃ ដោយចាញ់ពិន្ទុរបស់ក្រុមសីដក់ សឹង្ហបុរី ប្រភេទវិញ្ញាសារបុរស២នាក់ទល់និង២នាក់។ បើយោងតាមព័ត៌មានពី CAMSOC ៖ បានបញ្ជាក់ពីមន្ត្រីសហព័ន្ធកីឡាសីដក់ បានរាយការណ៍ពីប្រទេសថៃមក ថា ក្រុមកីឡាករសីដក់ជម្រើសជាតិកម្ពុជាបានឈ្នះមេដាយប្រាក់លើវិញ្ញាសាបុរស២នាក់ទល់២នាក់ បន្ទាប់ពី បានប្រកួតចាញ់ក្រុមសីដក់ជម្រើសជាតិសិង្ហបុរី នៅវគ្គផ្ដាច់ព្រ័ត្រ ក្នុងការប្រកួតកីឡាសីដក់ជើងឯកពិភពលោក លើកទី៣៤ ឆ្នាំ២០១៩ នៅប្រទេសថៃ។
ក្រុមសីដក់កម្ពុជា ដែលដណ្តើមបានត្រឹមមេដាយប្រាក់នេះ ក្រោយប្រកួតចាញ់ក្រុមសីដក់សិង្ហបុរី ដោយ ក្នុងសិតទី១ កម្ពុជាបានចាញ់ ក្នុងពិន្ទុ ១៣ទល់២១, សិតទី២ កម្ពុជាចាញ់ ១៨ទល់២១ពិន្ទុ ដែលធ្វើឲ្យកម្ពុជា ទទួលបានត្រឹមមេដាយប្រាក់ ខណៈក្រុមសីដក់សិង្ហបុរីប្រជែងបានមេដាយមាសលើវិញ្ញាសា២នាក់ទល់២ នាក់នេះតែម្តង។
សូមបញ្ជាក់ថា មុនឈានដល់វគ្គផ្តាច់ព្រ័ត្រ ក្រុមម្ចាស់មេដាយប្រាក់កម្ពុជាបានយកឈ្នះគូប្រកួតជាបន្ដ បន្ទាប់ ដូចជាយកឈ្នះក្រុមសីដក់ក្រុមស្វីស, នេប៉ាល់ និងអាហ្វហ្គានីស្ថាន ហើយក្រុមកម្ពុជាឈរនៅចំណាត់ ថ្នាក់លេខ១ ក្នុងពូល ហើយបានទម្លាក់ក្រុមសីដក់អូម៉ង់ នៅវគ្គពាក់កណ្ដាលផ្ដាច់ព្រ័ត្រ។
ចំពោះបេសកកម្មរបស់ កម្ពុជាមិនទាន់បញ្ចប់នៅឡើយទេ ដោយនៅសល់២វិញ្ញាសាទៀតក្នុងដៃទៀត សម្រាប់នៅថ្ងៃនេះលើវិញ្ញាសា ប្រកួត៣នាក់ទល់នឹង៣នាក់បុរស-នារី។ នេះជាកិត្តិយសមួយជូនជាតិ ក៏ដូចជាជូនប្រជាជនកម្ពុជា ទូទាំងប្រទេសកម្ពុជា ដែលឆ្លុះបង្ហាញថាកីឡាកម្ពុជាយើង មានភាពរីកចម្រើនជាងមុន យើងអាចធ្វើបានលើឆាកអន្តរជាតិ យើងនឹងខិតខំជាងនេះ ដើម្បីឱ្យពិភពលោកស្គាល់ពីកម្ពុជាកាន់តែច្បាស់៕
ប្រភពពី៖ CAMSOC
អត្ថប្រែសម្រួល៖ ឡុង រតនា
- អត្ថបទទាក់ទង :
- Featured

- កម្សាន្ត១ ឆ្នាំមុន
សាក្សីថា តារាម៉ូដែលថៃដែលស្លាប់ ត្រូវបានគេព្រួតវាយធ្វើបាបក្នុងពីធីជប់លៀងផឹកស៊ី
- សំខាន់ៗ១ ឆ្នាំមុន
វៀតណាម ប្រហារជីវិតបុរសដែលសម្លាប់សង្សារដោយកាត់សពជាបំណែកដាក់ក្នុងទូទឹកកក
- សង្គម២ ឆ្នាំមុន
ដំណឹងល្អសម្រាប់អ្នកជំងឺគ-ថ្លង់នៅកម្ពុជា ដោយអាចធ្វើការវះកាត់ព្យាបាលបាន ១០០ភាគរយ នៅមន្ទីរពេទ្យព្រះអង្គឌួង ក្នុងតម្លៃទាបជាងនៅក្រៅប្រទេសបីដង
- សង្គម២ ឆ្នាំមុន
អាណិតណាស់ ក្រុមគ្រួសារលោក ពៅ គីសាន់ ហៅនាយ ឆើត កំពុងដង្ហោយហៅការជួយពីសាធារណៈជន ក្រោយពេលដែលគាត់បានជួបគ្រោះថ្នាក់ចរាចរណ៍