Mauro Icardi ចូលរួមជាមួយ PSG ក្នុងលក្ខខណ្ឌខ្ចីជើងរយៈពេលមួយរដូវពី Inter Milan

បារាំង៖ ខ្សែប្រយុទ្ធអាហ្សង់ទីន Mauro Icardi បានចូលរួមជាមួយក្រុម Paris St-Germain ក្នុងលក្ខខណ្ឌខ្ចីជើងរយៈពេលមួយរដូវកាលពី Inter Milan។

កីឡាករវ័យ ២៦ឆ្នាំរូបនេះក៏បានបន្តកុងត្រារយៈពេល ២ឆ្នាំទៀតនៅឯក្លិប Inter ប៉ុន្តែ PSG មានជម្រើសក្នុងការទិញក្នុងតម្លៃ ៦៥ លានអឺរ៉ូ (៥៩ លានផោន)។ Icardi ចំណាយពេល ៦ ឆ្នាំនៅ Inter ដោយស៊ុតបញ្ចូលទី ១២៤ គ្រាប់ក្នុងការបង្ហាញខ្លួន ២១៩ លើក។

Icardi បាននិយាយថា៖ «ខ្ញុំនឹងផ្តល់អ្វីៗគ្រប់យ៉ាង ដើម្បីជួយក្រុមថ្មីឱ្យតាមដែលអាចធ្វើទៅបាននៅក្នុងការប្រកួតទាំងអស់»។ Paris St-Germain បានក្លាយជាមហាអំណាចបាល់ទាត់អន្តរជាតិដែលទាក់ទាញកីឡាករឆ្នើមៗ មួយចំនួនក្នុងប៉ុន្មានឆ្នាំថ្មីៗនេះ។

ការមកដល់របស់ Icardi បន្ទាប់ពីការចុះហត្ថលេខារបស់អ្នកចាំទី Keylor Navas ពី Real Madrid ហើយអ្នកចាំទីអន្តរជាតិកូស្តារីកាអាយុ ៣២ឆ្នាំបានចូលរួមជាមួយក្រុមម្ចាស់ជើងឯកបារាំងក្នុងកិច្ចសន្យា ៤ ឆ្នាំផងដែរ៕