វត្តលោមព្រលឹង មរតកបុរាណ កំពុងដង្ហើយចាំការថែរក្សា និង ជួសជុលឡើងវិញ

សៀមរាប៖ បច្ចុប្បន្ន ព្រះវិហារចាស់ៗ ដែលសេសសល់ពីសម័យបុរាណ មានមិនច្រើនឡើយដែលអាចរក្សាទម្រង់ និងរចនាសម្ព័ន្ធបានល្អនោះ ប៉ុន្តែព្រះវិហារ នៃវត្តលោមព្រលឹង នៅខេត្តសៀមរាប ស្ថិតនៅភូមិសន្ទៃ ឃុំដានរុន ស្រុកសូទ្រនិគម សាងសង់ឡើងនៅឆ្នាំ១៨៩០ និង បានជួសជុលក្នុងឆ្នាំ១៩៦២ មានរចនាបថដែលមានរបងកំពែងឥដ្ឋ ក្លោងទ្វារ និងរូបសំណាកតោ អមនៅតាមច្រកចូលជាមួយនឹងចេតិយចារឹក ក្នុងឆ្នាំ១៩៣០។

ព្រះវិហារមួយនេះ ចាត់ទុកជាមរតកចំណាស់បំផុតដែលដូនតា បានបន្សល់ទុកឱ្យ ហើយបើទោះជាអាចរក្សាទម្រង់ បានច្រើនយ៉ាងណាក៏ដោយ ក៏មរតកបុរាណមួយនេះ នៅតែត្រូវការការថែរក្សា ដើម្បីជួសជុលនូវចំណុចដែលបានខូចខាតឡើងវិញ៕

ប្រភព៖ Kim Hong

អត្ថបទ៖ គង់ ចាន់ស្រីនុច