David Luiz បង្កបាល់ប៉េណាល់ទីចំនួន ២ លើកក្នុង ៤ ប្រកួតនៅ Arsenal

១ ឆ្នាំមុន

ខែកញ្ញា ១៦, ២០១៩ កីឡា

អង់គ្លេស៖ អ្នករាល់គ្នាគិតថា ការចុះហត្ថលេខាជាមួយ David Luiz សម្រាប់ក្រុម Arsenal គឺជាគំនិតដ៏ល្អមួយ តែនេះប្រហែលជាការល្អសម្រាប់គូប្រជែងទៅវិញទេ ។

តំបន់ការពាររបស់ Arsenal បានធ្លាក់ទម្រង់លេងអស់រយៈពេលជាច្រើនឆ្នាំមកហើយ ប៉ុន្តែការចុះហត្ថលេខាលើ Luiz ដើម្បីស្រោចស្រង់របៀបលេងនេះ មើលទៅដូចជាមិនបានផលនោះទេ តែបែបដូចជាយកសាំងមកចាក់លើភ្លើងទៅវិញ ។

នោះគឺដោយសារតែត្រឹមតែ ៤ ប្រកួតប៉ុណ្ណោះ ខ្សែការពារកណ្ដាលសញ្ជាតិប្រេស៊ីលរូបនេះ បង្កកំហុសឱ្យមានបាល់ពិន័យប៉េណាល់ទី ២ដងរួចមកហើយនៅឯ Arsenal ខណៈដែលរូបគេបង្កកំហុសតែ ៣ ដងប៉ុណ្ណោះក្នុង ១៦០ ប្រកួតនៅ Chelsea ។

ដោយបានឃើញ Shkodran Mustafi បង្កកំហុសញឹកពេក ទើបក្រុមកាំភ្លើងធំត្រូវនាំយកខ្សែការពារកណ្ដាលថ្មីមកជួយ តែឥឡូវនេះអ្នកគាំទ្ររបស់ Arsenal បានមើល Luiz ក៏មិនខុសពីកីឡាករមុនដែរ ៕