Iron Man នឹងត្រឡប់មកវិញក្នុងរឿង Marvel ថ្មីមួយនៅឆ្នាំក្រោយ

បរទេស៖ យោងតាមសារព័ត៌មាន Deadline បានឱ្យដឹងថា តារាសម្ដែង Robert Downey Jr នឹងត្រឡប់មកកាន់ភាពយន្តរឿង “Black Widow” ដោយសម្ដែងជាតួអង្គ Iron Man ដែលគ្រោងចាក់បញ្ចាំងនៅខែឧសភា ឆ្នាំ២០២០ខាងមុខ។

ប្រិយមិត្តដែលបានទស្សនាភាពយន្តរឿង “Avengers: Endgame” បានដឹងហើយថា Iron Man បានស្លាប់ទៅហើយ។ ក្នុងសាច់រឿងនេះ តួអង្គ Black Widow ដែលសម្ដែងដោយ Scarlett Johansson ក៏បានបាត់បង់ជីវិតក្នុងវគ្គចុងក្រោយរបស់រឿង Avengers ផងដែរ។

សម្រាប់ភាពយន្តរឿង “Black Widow” តួអង្គទាំងពីរ នឹងវិលត្រឡប់មកអង្រួនដួងចិត្តទស្សនិកជននៅទូទាំងពិភពលោកសាជាថ្មី ព្រោះរឿងនេះ និយាយពីអតីតកាលរបស់ Black Widow ។ យ៉ាងណាមិញ គេមិនទាន់ដឹងថា តួអង្គ Iron Man នៅក្នុងរឿង “Black Widow” នឹងមានចំណែកធំប៉ុណ្ណាក្នុងសាច់រឿងនៅឡើយទេ៕

ប្រភព៖ Reuters

ប្រែសម្រួល៖ ចាន់ សោភ័ណ្ឌលាភ