ជំងឺផ្តាសាយអាចសាយភាយទៅពិភពលោកក្នុងរយៈពេល៣៦ម៉ោង និង អាចសម្លាប់មនុស្សដល់៨០លាននាក់

អាមេរិក៖ វីរុសផ្តាសាយគឺជាជំងឺដែលងាយឆ្លងបំផុត និង បានវាយប្រហារជាង១/៣នៃចំនួនប្រជាជនពិភពលោកដែលបានសម្លាប់មនុស្សជាង ៥០ លាននាក់ នេះបើយោងតាមការកត់ត្រាក្នុងប្រវត្តិសាស្ត្រក្នុងឆ្នាំ១៩១៨។

ហើយថ្មីៗនេះអ្នកជំនាញបានប្រមានថា វីរុសផ្តាសាយអាចសាយភាយទូទាំងពិភពលោកក្នុងរយៈពេល៣៦ម៉ោង និង អាចសម្លាប់មនុស្សរហូតដល់៨០លាននាក់ កត្តាដែលអាចចម្លងទៅទូទាំងពិភពលោកបានឆាប់រហ័សដោយសារការចេញចូលរបស់មនុស្សដែលធ្វើដំណើរតាមយន្តហោះរៀងរាល់ថ្ងៃ និង ឆ្លងតាមរយៈខ្យល់។ អង្គការសុខភាព WHO ក៏បានអំពាវនាវឱ្យប្រជាជនទៅចាក់វ៉ាក់សាំងការពារផ្តាសាយ និង យកចិត្តទុកដាក់ឱ្យបានខ្ពស់ដើម្បីចៀសវាងគ្រោះថ្នាក់ដល់ជីវិត៕

ប្រែសម្រួល៖ គង់ ចាន់ស្រីនុច