Connect with us

ទៅដើរ​លេង​នៅ​កោះ​បាលី​ ​ជាមួយ​សង្សារ​គេង​នៅ​បន្ទប់​តែមួយ​ ​អាច​ត្រូវ​ជាប់គុក​មែន​ ​ឬ​ ​ទេ​?​

ទៅដើរលេងនៅកោះបាលី ជាមួយសង្សារគេងនៅបន្ទប់តែមួយ អាចត្រូវជាប់គុកមែន ឬ ទេ?

​ឥណ្ឌូណេស៊ី​៖​ ​ថ្មី​ៗ​នេះ​ ​សេចក្ដីរាយការណ៍​មួយចំនួន​ ​បានឱ្យ​ដឹង​ថា​ ​សភា​ឥណ្ឌូណេស៊ី​ ​កំពុង​ពិនិត្យ​លើ​សេចក្ដីព្រាង​ច្បាប់​ស្ដីពី​ ​ការ​រឹត​បន្ដឹង​ចំពោះ​ដៃគូ​ដែល​មិនទាន់​រៀបការ​ ​អាច​ប្រឈមមុខនឹង​ការ​ជាប់ពន្ធ​នា​គារ​រហូតដល់​មួយឆ្នាំ​ ​ប្រសិនបើ​ពួកគេ​ ​រួមភេទ​ដោយ​មិនទាន់​រៀប​អាពាហ៍​ពិពាហ៍​។​

​យ៉ាងណាមិញ​ ​ប្រភព​ខ្លះ​ ​បាន​លើកឡើង​ថា​ ​បើ​ច្បាប់​នេះ​អាច​ទៅរួច​នោះ​ ​ដៃគូ​ដែល​មិនទាន់​រៀបការ​ ​អាច​នឹង​ជាប់ពន្ធ​នា​គារ​ ​រហូតដល់​មួយឆ្នាំ​ ​ប្រសិនបើ​ពួកគេ​ប្រព្រឹត្ត​រឿង​ខាងលើ​ ​នៅ​កោះ​បាលី​ ​និង​ ​មិន​អាច​កក់​បន្ទប់​សណ្ឋាគារ​ស្នាក់នៅ​បាន​ ​សម្រាប់​ដំណើរការ​កម្សាន្ត​របស់​ពួកគេ​ ​ទៅកាន់​កោះ​បាលី​ ​បើ​មិន​មាន​លិខិតបញ្ជាក់​ពី​ការបាន​រៀប​អាពាហ៍​ពិពាហ៍​ជាមួយគ្នា​ទេ​នោះ​។​

​កាលពី​ពេល​ថ្មី​ៗ​កន្លងទៅ​ ​សភា​ឥណ្ឌូណេស៊ី​ ​បានសម្រេច​ពន្យារពេល​ពិនិត្យ​សេចក្ដីព្រាង​ច្បាប់​ខាងលើ​ ​ដើម្បី​លើក​ទៅ​កិច្ចប្រជុំ​ពេលក្រោយ​។​ ​ប្រភព​ ​Coconuts​ ​ដែល​អាច​ទុកចិត្ត​បាន​ ​បាន​លើកឡើង​ដូច្នេះ​ថា​ ​ទោះបីជា​ច្បាប់​នេះ​ត្រូវ​បាន​អនុម័ត​ក៏ដោយ​ ​ក៏​វា​ត្រូវការ​ពេល​យ៉ាងតិច​ ​២ឆ្នាំ​ ​ទម្រាំ​អាច​ដាក់​ចូលជាធរមាន​។​

​សេចក្ដីព្រាង​ច្បាប់​ដដែល​ ​ត្រូវ​បាន​អ្នកបង្កើត​ច្បាប់​ឱ្យ​ដឹង​ថា​ ​គឺ​ផ្ដោត​សំខាន់​លើ​ប្រជាជន​ឥណ្ឌូណេស៊ី​តែប៉ុណ្ណោះ​។​ ​ក្នុងករណី​មានការ​រាយការណ៍​ទៅកាន់​សមត្ថកិច្ច​ពីសំណាក់​បងប្អូន​ ​សាច់ញាតិ​ ​មិត្ត​ភ័ក្តិ​ ​កូន​ៗ​ ​ជាដើម​ ​ពាក់ព័ន្ធ​នឹង​ការ​រួមភេទ​ដោយ​មិនទាន់​រៀបការ​ ​នោះ​គេ​នឹង​ចាត់វិធានការ​។​

​ដោយឡែក​ ​ពាក់ព័ន្ធ​នឹង​ការ​លើកឡើង​ថា​ ​សណ្ឋាគារ​ ​នឹង​ឈប់​ជួល​បន្ទប់​ស្នាក់នៅ​ឱ្យ​ភ្ញៀវ​ទេសចរ​ ​ដែល​ជា​ដៃគូ​មិនទាន់​រៀបការ​នោះ​ ​ប្រភព​ ​Coconuts​ ​បន្ត​ថា​ ​ជា​ការ​ចុះផ្សាយ​ដែល​គ្មាន​មូលដ្ឋាន​ច្បាស់លាស់​ ​ហើយ​វា​ ​មិន​ត្រូវ​បាន​បញ្ជាក់​ក្នុង​សេចក្ដីព្រាង​ច្បាប់​នោះ​ទេ​។​ ​ពិតប្រាកដ​ណាស់​ ​សណ្ឋាគារ​មួយចំនួន​តូច​ ​នៅ​ឥណ្ឌូណេស៊ី​ ​តម្រូវ​ឱ្យ​មាន​លិខិតបញ្ជាក់​អាពាហ៍​ពិពាហ៍​ ​មុននឹង​ជួល​បន្ទប់​ឱ្យ​ ​តែ​មិន​មាន​សណ្ឋាគារ​បែបនេះ​ ​នៅ​លើ​កោះ​បាលី​នោះ​ទេ​។​

​រដ្ឋបាល​កោះ​បាលី​ ​បាន​ចេញ​សេចក្ដីថ្លែង​ការណ៍​ប្រាប់​ភ្ញៀវ​ទេសចរ​ ​និង​ក្រុមហ៊ុន​នាំ​ភ្ញៀវ​នានា​ ​កុំឱ្យ​មានការ​ជ្រួលច្របល់​ ​ហើយ​បន្ត​ដូចសព្វដង​៕​

ប្រភព​៖​ ​Coconuts​

​ប្រែ​សម្រួល​៖​ ​ចាន់​ ​សោភ័ណ្ឌ​លាភ​

    Loading...

    ពេញនិយម