ទោះមានខ្សែបម្រើច្រើនក៏ដោយ ក៏លោក Sarri នៅចង់បាន Kante មកចូលរួម Juventus

អង់គ្លេស៖ លោក Maurizio Sarri ត្រូវបានគេរាយការណ៍ថា បានបញ្ជាឱ្យក្រុមការងាររបស់ Juventus ធ្វើការទាក់ទង N’Golo Kanté ដើម្បីបំពេញចន្លោះប្រហោងនៅតំបន់ខ្សែបម្រើ ។

ទោះបីជាមានខ្សែបម្រើយ៉ាងច្រើន ដូចជា Adrien Rabiot, Aaron Ramsey, Rodrigo Bentancur, Emre Can និង Sami Khedira ក្នុងបញ្ជីក៏ដោយ ក៏លោក Sarri នៅតែមិនសប្បាយចិត្តចំពោះទិដ្ឋភាពមួយចំនួននៃខ្សែបម្រើក្នុងក្រុមសេះបង្កង់ និងកំពុងស្វែងរកការពង្រឹងបន្ថែមអំឡុងពេលទីផ្សារដោះដូរកីឡាករខែមករា។

ឥឡូវនេះ អត្ថបទមួយក្នុងកាសែត Daily Mail បានអះអាងថា គោលដៅរបស់គ្រូសញ្ជាតិអ៊ីតាលីគឺ Kanté ។ អត្ថបទសារព័ត៌មាននោះ បានអះអាងថា ក្រុមម្ចាស់ជើងឯកអ៊ីតាលី រីករាយក្នុងការគាំទ្រគ្រូបង្វឹករបស់ពួកគេនៅលើទីផ្សារដោះដូរកីឡាករ ហើយនឹងសាកល្បងទាក់ទងទៅកាន់ Chelsea ជាមួយនឹងការដេញថ្លៃ ៧៥លានផោន។

Kanté មិនសូវបានលេងជាទៀងទាត់នៅរដូវកាលនេះទេ ដោយសារការរងរបួស ប៉ុន្តែថ្មីៗនេះលោក Frank Lampard បានអះអាងថា កីឡាករសញ្ជាតិបារាំងរូបនេះ ពិតជាមានសារៈសំខាន់ណាស់សម្រាប់មហិច្ឆតារបស់ពួកគេ៕

ប្រភព៖ trollkhmer