Connect with us

ធ្លាប់ដេកហៀរទឹកមាត់អត់? នេះជាមូលហេតុ និងវិធីបំបាត់

ធ្លាប់ដេកហៀរទឹកមាត់អត់? នេះជាមូលហេតុ និងវិធីបំបាត់

ការដេកហៀរទឹកមាត់ កើតឡើងនៅពេលទឹកមាត់មានបរិមាណច្រើន នៅក្នុងមាត់ ហើយគ្រប់គ្នា អាចមានបញ្ហានេះ យូរៗម្តង។

ប៉ុន្ដែបើការហៀរទឹកមាត់នេះ កើតឡើងជាទៀងទាត់ និងច្រើន វាអាចជាសញ្ញានៃការវិវត្តជំងឺ ឬរាងកាយយើងដំណើរការមុខងារខុសប្រក្រតី។

១. ហេតុអ្វីបានយើងដេកហៀរទឹកមាត់?
ពេលយើងដេក សាច់ដុំផ្ទៃមុខរបស់យើង ក៏មិនដំណើរការដែរ ហើយនៅពេលទឹកមាត់មានបរិមាណពេញក្នុងមាត់ វាចាប់ផ្ដើមហៀរចេញមកខាងក្រៅ។ នេះក៏ដោយសារសាច់ដុំផ្ទៃមុខផងដែរ ដែលធ្វើឱ្យមាត់ចំហ។ អ៊ីចឹងហើយ បានជាពេលភ្ញាក់មក យើងឃើញខ្នើយសើម។
ការហៀរទឹកមាត់ច្រើន អាចជាសញ្ញា នៃជំងឺប្រព័ន្ធសរសៃប្រសាទ ឬបណ្ដាលមកពីការស្ទះសំបោរ។ អ្នកហៀរទឹកមាត់ ក៏អាចបណ្ដាលមកពីបញ្ហាសុខភាពជាច្រើនទៀតផងដែរ ដូចជា ជំងឺដាច់សរសៃឈាមខួរក្បាលជាដើម។

២. តើយើងអាចបំបាត់បញ្ហានេះ ដោយវិធីណា?
– សម្អាតប្រហោងច្រមុះ
មូលហេតុមួយ នៃការដេកហៀរទឹកមាត់ បណ្ដាលមកពីការស្ទះនៅក្នុងច្រមុះ ដែលធ្វើឱ្យយើងដកដង្ហើមតាមមាត់ និងធ្វើឱ្យហៀរទឹកមាត់។ ដូច្នេះ ការសម្អាតសំបោរនៅក្នុងប្រហោងច្រមុះ អាចជួយមិនឱ្យដេកហៀរទឹកមាត់បាន។ ការមុជទឹកក្តៅ ក៏ជួយសម្អាតច្រមុះ និងធ្វើឱ្យដកដង្ហើមស្រួលផងដែរ នៅពេលយប់។ យើងក៏អាចប្រើផលិតផលផ្សេងទៀត ដើម្បីសម្អាតប្រហោងច្រមុះផងដែរ។
– ផ្លាស់ប្ដូរទម្លាប់គេង
ការដេកហៀរទឹកមាត់ អាចបណ្ដាលមកពីទម្លាប់ដេកផ្កាប់មុខ ដែលធ្វើឱ្យទឹកមាត់ហៀរចេញមកខាងក្រៅ ដូច្នេះយើងគួរទម្លាប់ដេកផ្ងាវិញ ព្រោះឥរិយាបទបែបនេះ មិនធ្វើឱ្យហៀរទឹកមាត់ចេញក្រៅទេ ទោះបីមានការផលិតទឹកមាត់ជាច្រើន។ ការដេកលើខ្នើយខ្ពស់ ក៏ជួយមិនឱ្យហៀរទឹកមាត់ផងដែរ។
– ពិនិត្យបញ្ហាគេងមិនដកដង្ហើម (Sleep Apnea)
គេងមិនដកដង្ហើម ជាបញ្ហាមិនប្រក្រតី ដែលមនុស្សម្នាក់ មានដំណើរការដកដង្ហើមមិនស្រួល។ វាបណ្ដាលឱ្យរំខានការគេង ភ្ញាក់កណ្ដាលយប់ អស់កម្លាំង និងងងុយគេងសឹងពេញមួយថ្ងៃ។ ហើយការហៀរទឹកមាត់ និងស្រម៉ុក ជាសញ្ញាសំខាន់ នៃការកើតមានបញ្ហាគេងមិនដកដង្ហើម។ ប្រសិនសង្ស័យមានបញ្ហានេះ យើងត្រូវទៅពិគ្រោះជាមួយគ្រូពេទ្យ៕

ប្រភព៖ Hellokrupet

  • អត្ថបទទាក់ទង :
  • Featured
Loading...

ពេញនិយម

WP2Social Auto Publish Powered By : XYZScripts.com